Ko ha Fakamoʻoni ʻOku Tupulaki

ʻOku hangē ʻa e fakamoʻoní ko ha ʻuluʻakau fakaʻofoʻofá. ʻOku nau tupu siʻisiʻi pē he taimi kotoa, pea ʻoku nau fie maʻu ha tauhi mo ha maluʻi. Muimui ʻi he ngaahi fakahinohino ʻi laló ke ʻai ʻa e kiʻi fuʻu ʻakau ko ʻení ke moʻui lelei mo fakaʻofoʻofa.

Ko e taimi ʻokú ke ʻiloʻi ai ʻoku moʻoni ha meʻa, ʻokú ke maʻu ha fakamoʻoni ki he foʻi moʻoni ko iá. ʻOku tokoni atu ʻa e Laumālie Māʻoniʻoní ke mahino kiate koe ʻa e moʻoní ʻi ho ʻatamaí pea mo ʻoatu ha ongo ʻo e nonga, fiefia, maama, pe ʻofa ʻi ho lotó. Valivali ha matalaʻi ʻakau ʻi he peesi ko ʻení ʻi he taimi kotoa pē te ke lau ai ha meʻa ʻi lalo ʻokú ke ʻiloʻi ʻoku moʻoni.

• Ko e ʻOtuá ʻa ʻeku Tamai Hēvani ʻofá.

• ʻOku fanongo mai ʻa e Tamai Hēvaní mo tali ʻeku ngaahi lotú.

• Tuʻunga ʻi he Fakalelei ʻa Sīsū Kalaisí, te u lava leva ke toe moʻui mo ʻeku Tamai Hēvaní ʻi ha ʻaho.

• Naʻe fakafoki mai ʻe Siosefa Sāmita ʻa e ongoongoleleí ki māmani.

• ʻOku ʻi ai hatau palōfita ʻi māmani he ʻahó ni.

• ʻOku akoʻi au ʻe he folofolá ʻi he meʻa ʻoku finangalo ʻa e Tamai Hēvaní ke u ʻiló.

ʻOku fakaʻau ʻo mālohi ange hoʻo fakamoʻoní ʻi he taimi ʻokú ke fai ai e ngaahi fili leleí, ʻo tatau pē mo e tupu ʻa e ʻakaú ʻi he taimi ʻokú ne maʻu ai ha vai mo ha huelo ʻo e laʻaá. ʻOku tuʻu atu ʻi lalo ha ngaahi founga te ke lava ai ke fakamālohia hoʻo fakamoʻoní. Valivali ha laʻi ʻakau ʻi he pēsí ni ʻi he taimi kotoa pē ʻokú ke fai ai ha faʻahinga meʻa he māhiná ni ke tokoni ke tupulaki hoʻo fakamoʻoní.

• Lotu ki he Tamai Hēvaní.

• Fai ʻeku fakamoʻoní ʻi he efiafi fakafāmili ʻi ʻapí pē ʻi he lolotonga ha malanga ʻi he Palaimelí.

• Lau ʻa e folofolá.

• Fakafanongo mo ako ʻi he lolotonga ʻo e Palaimelí mo e houalotu sākalamēnití.

• Tohi fekauʻaki mo hoʻo fakamoʻoní ʻi hoʻo tohinoá.

• Angaʻofa ki he niʻihi kehé.

• Lau ʻa e meʻa ne tohi ʻe he kau palōfitá fekauʻaki mo e fakamoʻoní. (Te ke lava ʻo kamataʻaki ʻa e “Ko e Siasi Moʻoní” ne fai ʻe Palesiteni Henelī B. ʻAealingi ʻi he Liahona) ʻo Māʻasi 2009.