Sauniuniga e oo atu i le Konafesi Aoao

E mafai ona e saunia mo le konafesi aoao i le otiina o pepa nei ma faapipii pito ia maua ai se filifili. O aso taitasi mo le lua vaiaso a o loma le konafesi, ia aumai se sootaga mai le filifili ma fai le mea o loo tusia i le pepa. A o faasolo ina puupuu le filifili, ua faasolo ina lata mai le konafesi!

1. Faitau e uiga i le Liahona a Liae (tagai i le 1 Nifae 16:10, 28, 29 ma le Alema 37:38–40). E faapefea ona avea upu a perofeta e pei o se Liahona mo aiga i aso nei?

2. Saili ata o le perofeta ma aposetolo i le Liahona o Me po o Novema po o le lds.org/church/leaders ma aoao o latou igoa.

3. Faapea ua valaaulia oe e fai se lauga i le Peraimeri e uiga i perofeta. O a au tala o le a fai?

4. Usu le viiga “Ia Viia Oe le Atua, mo le Perofeta” (Viiga, nu. 10).

5. O le a le autu o le talalelei o le a e manao e aoao atili i ai i le konafesi? Fai se lisi o upu o le a e saili e faalogo i ai.

6. Tatalo mo le fesoasoani ina ia mataala ma lagona le Agaga i le konafesi. E mafai foi ona e tatalo mo taitai o le Ekalesia o le a lauga.

7. Faamatala i ou matua po o tagata o le aiga pe aisea ua e tulimatai atu ai i le konafesi.

8. Faitau e uiga i le Tupu o Peniamina o loo lauga atu i lona nuu (tagai i le Mosaea 2:1, 5, 9, 41). E faapefea ona tutusa lena sauniga ma le konafesi aoao?

9. Tusi se ata o le perofeta e sili ona e fiafia i ai mai tusitusiga paia.

10. Ia fai se api o talaaga lea e mafai ona e tusia ai faamatalaga pe tusi ni ata e uiga i lauga o le konafesi. E mafai ona e maua se tusigamanatu o le konafesi e mafai ona lolomi i le lds.org/general-conference/children.

11. Usu le pese “Mulimuli i le Perofeta” (Tusipese a Tamaiti, 58–9).

12. Faitau e uiga i sa Nifae amiotonu i le 4 Nifae 1:12–13, 16. O le a le mea na latou faia ina ua latou potopoto faatasi?

13. Faitau le tala “Uo Faifeautalai” i le itulau e 60 o le lomiga lenei.

14. Talanoa e uiga i lenei aoaoga mai ia Elder M. Russell Ballard: Afai o le a outou faalogo i le perofeta soifua ma aposetolo ma usitai ia latou fautuaga, o le a outou le se ese lava” (“Ua Latou Saunoa Mai ia i Tatou,” Liahona, Iulai 2001, 116.