Ana Koaua Evelyn ibukin te Tembora

E tatangiria n nakon te Moanrinan Evelyn. E aki toki ni katea baina bwa e na kaira te tataro. E tangiria naba ni buokiia ana tia reirei.

Ma n te tai aei ana moan tai Evelyn n taetae. Ngkai e nakonako nako moan te ruu, e kakamwakuri birotona. Imwiina e a monna ni bukibuki mwanawana. Bwam-bwam.Bwam-bwam.

“Mauri,” e taetae Evelyn ngke e a roko imoa. “Arau bon Evelyn. Au utu e a tibwa nako nakon te tembora ngaia are ti kona n ikotaki ni kabane n aki toki.”

E tuangiia kaain ana Moanrinan Evelyn taekan ana kunnikai te mainaina are e kabongana. E rangin mainaina naba te tembora. E tuangiia bwa ngaia ma ana utu ao tarina a kabaeaki ni kabane n aki toki.

“I ataia bwa te Tama are i Karawa e tangiriira,” e taku Evelyn said. “E kamwanangaira nakon te tembora bwa ti na ikotaki ma ara utu n aki toki.”

E okirikaaki n tekateka Evelyn. E namakina te kukurei. E taraan ae kanga e kia te oota rinanon rabwatana. E kukurei ngke e nako n te tembora.