E Tau Raoi

Ngke te 17 au ririki ni maiu, I kabua e kuri ni bane baiu te angamaing n te kabuanibwai n te kaa. Te bwai ae I irinanona aei e bita maiu n akea tokina. E ngae n anne a mwaiti kangaangan boong ao taai ni kataki, te ai ni kaitiaki aei e anganai te tai ni kakoaua mwakan te mwakuri ni kamaiu n te kawai ae akea n ai arona.

Maiu ngkai bon te buu ao te tina, uoua nakoau ae I nang tangiri. Imwain bungiakia natiu, I iangoa nakoraoin au beku n tina. N na kanga n onea te betaake, ni katauraoa te amwarake, ke ni uouoa natiu ngkai ti teuana baiu? Te bwi ma nimaua te ririki imwina, I a roko n te nuka n ririki n tina ma niman natiu aika a titikiraoi. I kataia ni kanako raoai raoi, ao natiu aki ataia ae I kaokoro mai irakiia tiina tabeman. Buan baiu e aki manga riki bwa te totoko ma e riki bwa kanikinaean te tangira. Ngaia oin te kabebeteaki nakoia natiu n tauia ngkana a tang ke ngkana matu n te tairiki. Te katomaki aei e irekereke ma bwaai aika a mwaiti, ma I noria bwa te bwai ni kakoaua ibukin ana konabwai te tia Kamaiu ni karaoi bwaai aika a tamaroa man te kananokawaki.

I aki kona ni kabwarabwara tamaroan te namakin ae I namakinna mairou ni kona ni katauraoa te kabebeteaki nakoia natiu. Te maiuntina e karabwabwa au taratara n tarai kabwaka ni iteran te maiun n rabwata, ao I namakina te mwakuri ni Kamaiu bwa e a tia ni kamaiuai.

Korakoran te mwakuri n tina n tabetai e matoatoa. Matoan taai nakoiu e anganai te tai n tara aron Utin ao aron kamaiuau iroun te Tia Kamaiu. Ngaia are ana katoto ana kamaiu te onimaki iai nanona irou ae okoro. Teuana mai buakon mamaten nanou rongorongon kaotin te tia Kamaiu nakoia aomata i Amerika ao ni kamaiua aoraki. I iangoia bwa tera ngke arona bwa ngai temanna mai buakoia te koaraki ake a kamaiuaki iroun te tia Kamaiu. Te rongorongo e waki man Ana tangira ni kakao:

“Iai ibuakomi ae aoraki? Uotiia mai. Iai buakomi ae mauku, ke mataki, ke ikoaki, ke aki konabwai, ke rebera, … karawawataaki n anga tabeua? Kairiaa mai ao N na katoka aorakiia, bwa iai au nanoanga nakoimi, ao e a onrake nanou n te nanoanga. …

“… Bwa I nooria bwa e bon tau am onimaki bwa N na katoki aorakimi.

“… Ngke e tia n taetae, a bane aomata ake a uanao, n teuana te tai, ni mwananga ma aia aoraki ma raoia ake a karawawataaki, ao raoia ake a mwauku, ao raoia ake a mataki, ao raoia ake a babanga n taetae, ma aomata ni kabane ake a karawawataaki n aekaia nako; ao e bon katoki aorakiia ni kabane” (3 Nibwaai 17:7–9).

Irou, aio teuana mai buakon bwaai aika a riki ni boki aika a tabu ae rang n ringa te nano. Ma au taratara e bitaki ngkai I mwanea te mwakuri n tina ma teuana baiu. I angoia teuana bwa ngai temanna mai buakoia aomata are I kantaninga te mangauti ao te iango bwa e na manga kaokaki te rabwata n arona. Ma ngkai I aki rangi ni ienikuri. N rikirakena, I namakina te Mwakuri ni Kamaiu bwa e mwakuri ni maiu ngkai. I kakoaua bwa mwakan te kamaiu e aki tangira wakina ngke e moan waaki te Mangauti. Bwanina raoi e a kaman waaki, ni katoa tairiki, temanna natiu are e tiku n teimatoa n tauaki inanon baiu nua e reke matuna. Atakin aei e rang uaana irou n aron atakin kamimin te kamaiu. I a tia ni iangoia bwa, ngkai, I bwanin raoi n aron are e riai.