Iango ni Bootakin te Utu n te Tairiki
Te rongorongo ae taekinaki aio kanoana bwaai ao mwakuri ake a na kona ni kamanenaaki ibukin bootakin utu.n te tairiki.
“Korakoran Wanawanan te Atua,” iteraniba 20: Iangoa maroroakinan te wanawana n te aonaaba ni kabotauaki ma wanawanan te Atua. Ko na bae ni wareka 2 Nibwaai 9:28–29 ao iangoa are n te aonaaba aei e kaokoro man wanawanan are e reirei man te euangkerio. Baireia bwa te kawai raa are ko na toua inanon te bwai are e riki.
“Ana Botoniango te Miutuo ibukin 2013,” iteraniba 50: Wareki rongorongo ake a koreaki iroun Elaine S. Dalton ao David L. Beck i aon ana Botoniango te Miutuo 2013 botoniango n te Miutuo. Iangoi kawai ni kammwakuran te iango are membwa n te utu a kona n ibuobuoki ni karika te mweenga bwa te tabo ae e tabu. Ko na bae n tangiria ni katekei tamnein te tembora inanon am auti ao ni katea te kouru n nakon te tembora n utu.
“Teimatoa Kakaraoia,” iteraniba 56: Iangoa karaoan te kamataku n te tarena n utu. Iangoia bwa ni kabane kain te utu a na roko n tauraoi n tibwa aia konabwai ke aia kamataku. Imwiin warekan te rongorongo “Teimatoa Kakaraoia” ao maroroakina aron e kanga te kataneiai ao tibwatibwan te tarena ni kakabwaiaia naake a katobibira.
“Ana Koaua Evelyn ibukin te Tembora,” iteraniba 70: Iangoa karaoan te “koaua n utu” kakae ni baika a boongana. Katikui tamnei inanon nako te ruu ao tuangiia membwa n am utu bwa a na rikoi ake a kakoaua inanona (ibukin te katoto: tamnein am utu, te tembora, Beretitenti Thomas S. Monson, bwabetito, beeban te kabwianibwai, te roronrikirake ae bwainna n ae riai) , Kainiin ni maroroakinna bwa bukin tera ngkai ko kakoaua inanon teuana ma teuana bwaai aikai.
Reirei inanon te Roo
N te bong teuana n Okitobwa natira te aine Júlia, are e ingainga nanona n tain te kainutu n te tairiki e taku, “Ti tuai man kainutu inanon te roo. Ti kona, n taiaoka?” Ti mimii bwa ti na kanga ni karaoia ao tera ae ti na kona n reireinna inanon te roo.
Ti tiringa te taura, ao ti otabwaniniaki n te roo. I mwiina kainnabau e kauka te mobwaera tareboon ao e a waaki n anga reirei n taekan ana Taura Kristo. E kabwarabwara aron Otan Kristo ni kona ni uotiira n otinako man te roo ao e kairiira n ara utu n oki nakoina. Te ota man te tareboon e bon aki rangi n oota, ma e bon tau ibukira bwa ti na kona n nooraba.
Ngkai te tareboon e karina ni mate taurana i bon irouia ni katoatai, ngaira ti kona ni kaotia nakoia natira aine aron maiura are e na kona n riki n akean te Tia Kamaiu, Iesu Kristo. Te Tamnei e rangi ni korakora, ao natira aine a kona ni bon karinerine. Ni karokoa ngkai e uringnga ara kainutu n te tairiki anne bwa ti tatangiria ao te reirei are e taekinaki.
Valquíria Lima dos Santos, Brazil