E Manenanti Reken Kaaitibora?

N tairikin te Kaonobong teuana ao e rangi ni kamwaitorotoro n tain te winta n 1983-1984, Titita Monson ao Ngai ti buti n te kaa n te raroa ae tao tabeua te kiromita kaean kamwanonon te maunga ae Midway, Utah, ike iai mwengara iai. Te taukabuebue n te tairiki anne 24 tekuri i aan tiirou Fahrenheit (–31°C), ao ti tangiria bwa ara waki a nakoraoi bwaai ni kabane ngkana ti roko n ara auti ikekei. Ngke ti a roko ao e nakoraoi bwai ni kabane, ngaia are ti a manga karairaki n oki nako Salt Lake City. Ti kuri aki buti [tabeua] te maire … i mwaain are e mate iai ara ka … A bae taningara. …

E roko te baranano ao ti a iangoia ae ti nang nakonako ni kaeineta te taaun,inanon nakonakora ao akea taiani kaa are tao ana katokaira aki, ma a bon butinako ni kitanira. Iai ngkane te kaa ae tei inanon te ka aio kaina bon te rorobuaka ni mwaane ae ataei e anga nanona ni ibuobuoki … Te kairake n ataeinimwane aei e kabutira n okirani mwengara i Midway. I tuanga bwa na kabooa mwin te kabane mwane nakoina ibukin ana mwakuri ma e karautaeka bwa e aki butimwaaia.

Te Moanibong are i mwina I korea te reta nakon te ataeinimwaane aei ao ni karabwaa ibukin ana ataataiaomata. I nanon te reta I kaungaa nanona nakon te mwakuri ni mitinare ae kororaoi. …

Tao teuana te wiki i mwina tinan te ataeinimwaane aei e tarebon ao e tuangai bwa natina bon te mwaane ae rianako arona ma ibukin tabeua karawawata ni maiuna te tangira are e namakinna ibukin te tai are maan n nako ni mitinare e a uarereke. E taku bwa ngaia ao tamana a aki mamatam ao a tataro bwa e na bitaki nanona …[E] tangirai bwa n na ataia bwa e tarai baike a riki n te tairiki ae takamwaitorotoro ake a riki bwa kaekan aia tataro ibukina. “I inano ma ane ko taekinna.”

I mwin tabeua namwakaina ao n reitakira ae bati riki ma te ataeinimwaane aei, Titita Monson ao Ngai a tokarake kukureira ni kaea te karaaure ni mitinare i mwaain nakona ibukin te British Columbia Vancouver Mition.

Te bwai are manenanti reken kaaitibora ni mwaitoron tairikin Ritembwa? I aki n teuana te tai, kakoauaa bwa ngaia. Ma, I onimakina kaaitibora bwa kaekan aia tataro aika bati te tina ao te tama ibukin natiia te mwaane are a kakatonga irouna.

Iangoia ao korea am iango i nanon am booki ae oneti ke maroroakinna ma tabeman.