2 Auti Uoua Auti Ike e Maeka iai Iotebwa Timiti

Iroun Jan Pinborough

Ana Maekatiin te Ekaretia

Nakomai neweaba te tabo ae kakawaki n rongorongon te Ekaretia!

Palmyra, New York, te tabo ike e waaki iai Kaokan bwaai n ana Ekaretia Iesu Kristo ibukiia Aika Itiaki ni Boong aika Kaitira te 193 te ririki n nako. Luke, Rachel, ao Julia S. a kawara te tabo ae onoti aei n reiakina riki te tabo ike e maeka iai Iotebwa Timiti ao e kanga ni buoka manga kaokan te Ekaretia nako aon te aba.

Te Mweenga ae Karaoaki n te Kai

Te mweenga aei ae karaoaki n te kai e kateaki n aekakin taraakin raoi ma are e maeka iai Iotebwa man ana ririki ni maiu ae 12 nakon 19.

1. Iotebwa iai niiman tarina ao teniman mwaanena. Bon te mweenga ae uarereke ibukiia 11 aomata.

2.Angin te tai e ikotaki te utu ni katobibia te taibora n amwarake n te umwanikuuka bwa a wareware n te Baibara. Ngke te 14 ana ririki ni maiu Iotebwa e wareka Iakobo 1:5: “Ngkana akea ana rabakau temanna i buakomi, ao e na butia te Atua.” Iai ana titiraki ae kakawaki ae e butia iai te Atua.

3. Ni moan waakin te tiburing teuana n 1820, e nako n te buakonikai Iotebwa irarikin mweengana ae karaoaki n te kai ao n tataro bwa e ngaara te aro ae e riai ni kaainna. A kaoti te Tama are i Karawa ao Iesu Kristo ao n tuangnga bwa akea teuana te aro ae e na kaainna. Iesu e taku bwa Iotebwa e na buoka kaokan ana Ekaretia te Uea nako aon te aba.

4.Ni kabane ataeinimwaane aika onoman inanon te utu a matu n te ruu are mai ieta. Te tairiki teuana ngke te 17 ana ririki Iotebwa e kaoti te anera ae Moronaai teniua te tai ao n tuangnga taekan bwaatua koora are e na rairi Iotebwa ao ni boretiia nakon ana Boki Moomon. E karekei bwaatua Iotebwa aua te ririki imwiina.

Te Mweenga ae Baireaki

Ngke te 19 ana ririki Iotebwa, a mwaing ana utu nakon te auti ae boou. E maeka ikekei ngke e karekei bwaatua koora man te Tabuki are Komora.

5.Tabeman aomata a roko ni kataia n iraei bwaatua koora. E karabai Iotebwa iaan taian buriki imoan te tabo ni kanaiai.

6.Mwaanen Iotebwa aika Sophronia ao Katherine a matu inanon te ruu ae uarereke aei. Te tairiki teuana Iotebwa e ninirii bwaatua inanon te kunnikai ao ni karabai imarenaia mwaanena aika uoman iaon aia kainiwene.