Doctrine ao Covenants 87:8

Tamnei

Beretitenti Thomas S. Monson.

“Te Uea e kaoiira, ‘Kaani ngkami nakoiu ao ngai na kaaniai nakomi; ukoukorai n taainako ao ko na kuneai.’ Ngkai ti karaoia, ti na namakina Tamneina inanon maiura, ni karekei nakoira te tangira ao te ninikoria ao n tei ni korakora ao ni matoatoa inanon te tamaroa—n ‘teei … n taabo aika tabu, ao aki kamwaingaki.’”

Tamnei

Elder Dallin H. Oaks

“Terana … ‘taabo aika tabu? E koaua a mena inanon tembora ao ana berita aika tabu a kaawakinaki raoi iai. E koaua a mena inanona te mweenga are ataei a kakaawaki ao kaaro a karineaki. E koaua taabo aika tabu a mena inanona ara tabo ni mwakuri anganaki man te kariaia n te nakoanibonga, n ikotaki ma mition ao wewete ake a karaoaki nanoia ma te nano ni koaua inanon mwaanga, uoote, ao titeiki.”

Aikai tebeua kawai ni kakoauaa bwa te bwai teuana e na aki kamwaingaki:

• Te ati n roo—“Kaantaninga … e karekea te ati n roo nakon tamneia aomata” (Ita 12:4).

• Aan te kateitei ae matoatoa—“Bwa bon iaon te bwa are ara Tia Kaboomwi, are Kristo, natin te Atua, are kam na riai ni katea iai aami … , are bon aan te kateitei ni koaua” (Ereman 5:12).

• Aam ae matoatoa—Ko aki kona n riki bwa te membwa n te Ekaretia ao n teimatoa n ira iwawakin bwaikorakin te aonaaba, ibukina bwa “te aomata ae nanououa, ae e aki teimatoa n arona nako” (Iakobo 1:8).

• Titeikin te ooning—Titeiki n ooningan Tion e buoka te Ekaretia n tei n rietata ao ni matoatoa n unikaki, ngkai e anga te katantan nakoira: “Bootakiia ni kabane iaon aban Tion, ao iaon ana titeiki, e kona ibukin te ootanga, ao ibukin te kamanomano man te angibuaka” (D&C 115:6).

Ana Bong te Uea—Kauaokin Iesu Kristo

“Ti riai n taratara raoi ibukin kanikinaa [man te Kauaoki], ti riai ni maiu ni kakaonimaki n aron are ti kona. … Ma ti riai n aki katoki maiura ti ibukin te bwai anne ao bwaai ake a katobibiia a mena imwaaira n te tabo teuana. Ti aki konaa ni katoka maiuakinan te maiu. E koaua, ti riai ni maiuakina te maiu n te aro ae e bwanin riki nakon are ti a tia ni maiuakinna.”