Elder Randy D. Funk

O Elder Randy Dennis Funk ena iKarua ni Kuoramu ni Vitusagavulu sa bulataka tu mai na nona bula ena ivakavuvuli levu oqo: “Vakabauta na Turaga kei na Nona vinaka.”

Ena ikatolu ni nona yabaki ena vuli lawa, sa buketetaka voli na watina na ikarua ni luvedrau ka edita veitokoni tiko o koya ni railesuvi ni lawa ena gauna e yaco mai kina na kaci me peresitedi ni kuoramu ni italatala qase. “Ena gauna dredre oqori au ciqoma na veikacivi ka masuta na Tamada Vakalomalagi me qai vakacavara na veika se yaco koso,” e kaya o koya. “Au gadreva na veivuke meu qarava vinaka noqu itavi, vakacavara vinaka noqu vuli, kune cakacaka, ka qarava noqu matavuvale gone. Na veivakalougatataki keitou ciqoma e sivia sara vakalevu na ka e ganiti keitou. Na ka oqori e solia vei au na vakabauta cecere ena nona vinaka na Turaga kei na Nona veivakalougatataki vei ira era segata vagumatua me ra qaravi Koya.”

A sucu ena Okosita ni 1952 vei C. Dennis kei Rebecca Funk, a tubu cake mai Manti, Utah; Madison, Wisconsin; kei Smithfield, Utah e Amerika. A sarava na nona veiqaravi ena yalodina na tamana ena Lotu ka vakavulici ena bibi ni kena qaravi vinaka na itavi ni matabete.

Ni oti na nona kaulotu mai Indonesia, a vakamautaki Andrea Clyde ena ika 29 ni Me, 1976, ena Valetabu mai Logan Utah. Erau nodratou itubutubu e ono na gone. A rawata o Elder Funk e dua na diqiri ni itukutuku makawa mai na Utah State University kei na dua na doketa mai na University of Utah. A dua o koya na itokani vakabisinisi ena dua na kabani levu ni loya mai Denver e Colorado, ni bera na nona veiqaravi tudei vaka-Lotu, ka a tekivu ena kaci me laki Peresitedi ni Tabana ni Kaulotu na India Bangalore ena 2010.

“Ni keitou lako ki Idia, keitou vakabauta na nona vosa na iVakabula: ‘Raica au sa kaya talega vei iko, ko koya dou sa digitaka mai na Le Tinikarua, mo lesia ka tala yani ena yacaqu, ia ena soli vua na kaukauwa me dolava kina na katuba ni noqu matanitu ki na veivanua kecega dou sa talai koya kina’ (V&V 112:21).” Sa veiqaravi oti o Elder Funk vakaperesitedi ni kuoramu ni italatala qase, peresitedi ni Cauravou, bisopi, peresitedi ni iteki, ka Vitusagavulu ni iWasewase.