Camille gikan sa Siyudad sa New York
Ang nuybe anyos nga si Camille dunay daghan kaayong mga higala. “Ang butang nga akong ganahan sa akong mga higala nga sila tanan managlahi,” siya miingon.“Gikan sila sa lain-laing mga dapit, ug lain-laing ang ilang mga paagi sa pagbuhat sa mga butang.”Ganahan si Camille nga makat-on og maayong mga butang gikan sa iyang mga higala, ug siya ganahan nga mopakigbahin uban kanila. Ang labing nindot nga butang nga iyang gipakigbahin sa usa ka higala mao ang ebanghelyo. Human siya mopakigbahin sa unang artikulo sa hugot nga pagtuo sa iyang higala nga si Yailin, giimbitar ni Camille ang pamilya sa iyang higala nga makigkita sa mga misyonaryo. Gitudloan usab ni Camille si Yailin kon unsaon sa pag-ampo. Karon si Yailin ug ang iyang inahan mga miyembro na sa Simbahan.
Ang akong paborito nga kanta mao ang “Ako Anak sa Dios” ug “Mga Pamilya Magkauban sa Kahangturan.” Ang akong paborito nga kasulatan mao ang Doktrina ug mga Pakigsaad 19:23: “Pagkat-on kanako, ug paminaw sa akong mga pulong; lakaw diha sa kaaghup sa akong Espiritu, ug ikaw makabaton og kalinaw ngari kanako.” Kini nga kasulatan mohupay nako kanunay kon ako maguol.
Ang akong higala nga si Yailin nabunyagan niadtong 2011. Ganahan ko nga magkuyog mi sa pagsimba. Gitabangan nako siya sa pagmemorya sa mga Artikulo sa Hugot nga Pagtuo. Anaa na kami sa ikasiyam nga artikulo sa hugot nga pagtuo.
Ang akong mama ug papa gikan sa Dominican Republic. Tingali mao kana nganong ang akong paborito nga pagkaon mao ang humay ug batong ug manok. Nagpahinumdom kini nako kon asa gikan ang akong pamilya.
Lima kami sa akong pamilya. Ang akong igsoong babaye, si Emily, gibunyagan ug gikumpirmahan niadtong Disyembre. Ang akong igsoong lalaki, si Victor, ginganlan sa pangalan sa akong papa. Wala akoy bisan unsa nga mga binuhi, apan naghunahuna ko sa pagkuha og usa ka bao. Ganahan ko sa mga bao kay cute sila ug hinay, dili sila molayas.
Ganahan ko sa istorya ni Kapitan Moroni diha sa Basahon ni Mormon. Gibasa kini sa akong papa sa family home evening, ug nakapadasig kini nako sa paghimo sa akong kaugalingong bandila. Ang akong bandila nagpahinumdom nako kinsa ko ug nga ang Langitnong Amahan kanunay nga nagauban nako.
Mga litrato sa maayong kabubut-on sa pamilya, gawas kon gipahibalo; STATUE OF LIBERTY gilitratohan © Getty Images; Moabut Pa, ni Walter Rane, sa maayong kabubut-on sa Church History Museum.