Ang Atong Talagsaong Misyonaryo nga Panulundon
Ang tanang mga misyonaryo, kaniadto o karon, nagserbisyo nga may paglaum sa paghimo sa kinabuhi sa ubang mga tawo nga mas mamaayo.
Ang mga misyonaryo karon mopadayon sa talagsaong kabilin sa paglukop sa yuta sa kahibalo kabahin sa Ginoo (tan-awa sa Isaias 11:9). Gikan ni Abraham ngadto ni Pablo ngadto ni Ammon ngadto ni Wilford Woodruff, ang mga misyonaryo diha sa kasulatan ug sa kasaysayan sa Simbahan nahimong epektibong mga ehemplo sa mga misyonaryo karon.
Kon kita mga miyembro nga misyonaryo, nag-andam og full-time nga misyon, nag-alagad og misyon, o miuli gikan sa misyon, kita makakuha og kaisug ug inspirasyon gikan niini nga mga ehemplo.
Ang Atong Misyonaryo nga Panulundon diha sa Biblia ug sa Perlas nga Labing Bililhon
Ang mga misyonaryo sa Daang Tugon, sama ni Jonas, gitawag sa pagpasidaan sa mga tawo (tan-awa sa Ezequiel 3:17–19). Gikan sa ehemplo ni Jonas atong makita ang importansya sa paghinulsol ug pagkamasulundon. Ang istorya ni Abraham nagtudlo kanato mahitungod sa kaliwatan ug sa gahum sa Melchizedek Priesthood.
Ang mga misyonaryo diha sa Bag-ong Tugon, sama nila ni Pedro ug Pablo, mitrabaho sa pagpreserbar sa mga pagtulun-an ni Jesukristo. Bisan pa niana, sa paglabay sa panahon adunay apostasiya sa kalibutan. Gipahiuli sa Dios ang ebanghelyo pinaagi ni Propeta Joseph Smith. Kita karon nagtrabaho, sama niadto nga mga misyonaryo, aron sa pagpreserbar ug sa pagpakigbahin sa mga pagtulun-an ni Jesukristo.
Si Jonas sa may Baybayon sa Ninive, ni Daniel A. Lewis. Si Jonas naghinulsol ug nagpadayon sa pagsangyaw ug pagkumpirma nga si Jehova naghari bisan asa ug wala mo-limit sa Iyang gugma ngadto sa usa lang ka nasud o mga tawo (tan-awa sa Jonas 1–4).
© 2002 Daniel A. Lewis
Sila si Pedro ug Juan sa atubangan sa mga Magmamando sa Jerusalem, ni Simon Vedder. Sila si Pedro ug Juan gidala atubangan sa konseho, ug sila gipangutana sa halangdon nga pari, “Dili ba amo man kamong gipinahan pag-ayo sa dili pagpanudlo pinasikad niining ngalana? apan, tan-awa, ang Jerusalem gilukop ninyo sa inyong tuluohan. … Apan si Pedro … mitubag nga nag-ingon, Kinahanglan maoy among unahon pagsugot ang Dios inay ang mga tawo” (Mga Buhat 5: 28–29).
Sa Maayong Kabubut-on sa Church History Museum
Si Apostol Pablo, ni Karel Skreta. Sa iyang mga panaw ug mga sulat, si Pablo gamhanang mipamatuod sa Manluluwas sa tibuok Asia Minor ug sa kadaghanan sa inilang kalibutan niana nga panahon.
BPK, Berlin / Gemaeldegalerie Alte Meister, Staatliche Kunstsammlungen, Dres / Elke Estel / Hans-Peter Klut / Art Resource, NY
Si Melchizedek Nagpanalangin ni Abram [Abraham], ni Walter Rane. Gipanalanginan ni Melchizedek si Abram (tan-awa sa Genesis 14:18–20) ug gihatagan usab siya sa priesthood (tan-awa sa D&P 84:14). Sa laing higayon, ang Ginoo mipakita kang Abram, nag-ingon, “Ako adunay katuyoan … sa paghimo kanimo og usa ka tigpangalagad aron modala sa akong ngalan didto sa katingalahan nga yuta. … Ug ikaw mahimo nga panalangin ngadto sa imong binhi nga mosunod kanimo, nga sa ilang mga kamot sila modala niini nga pagpangalagad ug Pagkapari ngadto sa tanan nga mga nasud” (Abraham 2:6, 9).
Sa Maayong Kabubut-on sa Church History Museum
Ang Atong Misyonaryo nga Panulundon diha sa Basahon ni Mormon
Sila si Alma, Amulek, ang anak nga mga lalaki ni Mosiah, ug si Samuel ang Lamanite mao ang pipila sa talagsaong ehemplo nga misyonaryo nga atong mabasa sa Basahon ni Mormon. Gikan kanila atong makita ang mga ehemplo sa paghinulsol, hugot nga pagtuo, pagkamasulundon, ug kaisug. Sama kanila, makasalig kita sa inspirasyon ug pagpadayag gikan sa Dios aron sa paggiya sa atong misyonaryo nga pagserbisyo.
Si Ammon sa atubangan ni Haring Lamoni, ni Gary L. Kapp. Si Ammon, usa sa mga anak nga lalaki ni Mosiah, miluwas sa mga panon ni Haring Lamoni. Sa dihang ang hari nangutana ni Ammon kon siya ba gipadala sa Dios, si Ammon miingon nga siya usa ka tawo nga gitawag pinaagi sa Espiritu Santo sa pagtudlo sa ebanghelyo “ngadto sa mga katawhan [ni Lamoni], nga sila mahimo nga madala ngadto sa usa ka kahibalo niana diin makiangayon ug tinuod” (Alma 18:34).
© Gary L. Kapp, dili mahimong pakopyahan
Siya Midala og Malipayon nga mga Balita sa Akong Kalag, ni Walter Rane. Usa ka anghel mipakita ni Samuel ang Lamanite ug midala og “malipayon nga mga balita ngadto sa kalag [ni Samuel]” kabahin sa pag-anhi sa Manluluwas (Helaman 13:6–7). Isip kabahin sa iyang calling sa pagsangyaw ngadto sa mga Nephite, si Samuel misaka sa bong-bong sa siyudad sa Zarahemla ug mipakigbahin niining maayong balita ngadto sa mga tawo.
Sa Maayong Kabubut-on sa Church History Museum
Ang Atong Misyonaryo nga Panulundon diha sa Doktrina ug mga Pakigsaad
Human sa Pagpahiuli sa ebanghelyo, importante kaayo ang mga misyonaryo. Mga misyonaryo sama nila ni Dan Jones, Orson Hyde, ug Parley P. Pratt mipakigbahin sa Basahon ni Mormon ug sa ebanghelyo ni Jesukristo. Ang uban, sama sa igsoon nga lalaki ni Propeta Joseph nga si Samuel, miserbisyo duol sa ilang panimalay. Ang uban mibiyahe og layo aron sa pagpakigbahin sa ebanghelyo sama sa Thailand, sa Sandwich Islands (Hawaii), Denmark, ug England.
Kining nag-unang mga misyonaryo sa kasagaran miserbisyo og dugay ug lain-laing mga misyon. Ilang gibiyaan ang ilang mga ginikanan, mga hinigugma, mga asawa, mga anak ug mga apo sama sa atong gibuhat karon. Sila mao ang ehemplo kanato karon sa hugot nga pagtuo, kaisug, pagkamasulundon, paglahutay, ug kakugi.
Mga Mormon nga Tigsangyaw, ni Arnold Friberg, gibase sa orihinal ni Christen Dalsgaard. Kini hulagway sa unang misyonaryo nga Santos sa Ulahing mga adlaw nga nagtudlo sa ebanghelyo ni Jesukristo ngadto sa Danish nga pamilya nga nagpundok sa ilang panimalay mao ang sagad nga makita niadtong ika-19 nga siglo. Ang mga misyonaryo mitudlo usab diha sa mga kadalanan o sa mga balay tigumanan sa lungsod.
© IRI, sa maayong kabubut-on ni Arnold Friberg
Si Wilford Woodruff Nag-andam para sa Bunyag diha sa Umahan ni Benbow, ni Richard A. Murray. Ang Ginoo migiya ni Wilford Woodruff niadtong mga 1840 ngadto sa umahan ni John Benbow sa Herefordshire, England. “Adunay mga tawo didto nga nag-ampo nga makaangkon sa karaang han-ay sa mga butang,” misulat si Wilford. “Ang resulta mao, sa unang traynta ka adlaw sukad miabut ko didto nakabunyag ko og unom ka gatus. … Sa walo ka bulan nga paghago diha sa nasud ako nakadala og usa ka libo ug walo ka gatus nga tawo sa Simbahan. Ngano man? Tungod kay ang mga tawo andam na para sa Ebanghelyo” (“Discourse,” Deseret Weekly, Nob. 7, 1896, 643).
Pagpalambo sa Atong Misyonaryo nga Panulundon
Sukad gipahibalo ni Presidente Thomas S. Monson niadtong Oktubre 2012 nga kinatibuk-ang komperensya nga ang mga batan-ong lalaki ug babaye maka-misyon nga mas bata og edad, liboan nga mga Santos sa Ulahing mga Adlaw ang nag-misyon.
Niadtong Abril 2013 nga kinatibuk-ang komperensya, si Elder Neil L. Andersen sa Korum sa Napulog Duha Ka mga Apostoles midugang sa iyang pagsaksi sa misyonaryo nga buhat ug nag-awhag kanatong tanan nga mahimong importante nga bahin niining naglambo nga milagro pinaagi sa pagtabang og pangita niadtong andam nga maminaw sa ebanghelyo: “Sa kasiguroan nga ang Ginoo midasig og daghang misyonaryo sa pagserbisyo, giablihan usab Niya ang mga hunahuna ug kasingkasing sa daghang buotan ug matinuorong mga tawo aron modawat sa iyang mga misyonaryo. Inyo na silang kaila o inyo pang maila-ila. Inyo ra silang kapamilya ug mga silingan. Gilabyan ra nila kamo sa dalan, katapad ninyo sa eskwelahan, ug ka-chat sa internet” (“Usa kini ka Milagro, Liahona, Mayo 2013, 78).
Ang bag-ong nangabut nga mga misyonaryo nagbunyag sa mga lumad sa Sandwich Islands (Hawaii) ingon ka sayo sa 1851. Kini nga litrato nakuha sa mas ulahi nga panahon.
Dili mahimong pakopyahan
Nagpakigbahin sa Ebanghelyo diha sa Kadalanan, ni Ken Spencer. Kining duha ka mga misyonaryo nagpakigbahin sa ebanghelyo sa usa ka tawo sa atubangan sa usa ka tindahan og libro sa New Brunswick, New Jersey, USA.
Sa Maayong Kabubut-on sa Church History Museum
Mga Misyonaryo Kanunay, ni Juei Ing Chen. Ang mga miyembro sa Simbahan sa Taiwan, sama sa mga miyembro nga misyonaryo sa bisan asang dapit, nagtinguha sa pagpakigbahin sa ilang hingpit nga kalipay sa ebanghelyo ug sa mga kasulatan. Ang mga kasulatan anaa sa lamesa; ug ang taas nga asul nga sudlanan nga gisudlan sa mga scroll nagpakita sa litrato sa Taipei Taiwan Temple.
© IRI, sa maayong kabubut-on ni Juei Ing Chen
Ang mga Lamanite Mamulak ingon sa Rosas, ni Joselito Jesus Acevedo Garcia. Maayo kaayong paghulagway niining imahe ang diwa sa misyonaryo nga buhat taliwala sa mga tawo nga Espanyol ang pinulongan. Duha ka misyonaryo ang nag-andam sa pagtudlo sa ebanghelyo samtang ang mga katawhan nagbuhat sa ilang inadlaw nga mga buluhaton. Ang Lima Peru Templo, nahimutang sa tunga-tunga sa gagmayng mga balay ug nitibong mga hayop, nagrepresentar sa pagtubo sa Simbahan.
Sa Maayong Kabubut-on sa Church History Museum
Mga Misyonaryo nga Santos sa Ulahing mga Adlaw sa Sierra Leone, ni Emile Wilson. Ang unang misyon sa Sierra Leone naorganisar sa Freetown niadtong Hulyo 1, 2007. Ang Freetown nahimong ika-3,000 nga stake sa simbahan niadtong Disyembre 2, 2012.
Sa Maayong Kabubut-on sa Church History Museum