Jesus Nanalangin sa Gagmay nga mga Bata

Daghang mga tawo nag-alirong ni Jesus. Gusto silang makadungog Kaniya nga moistorya. Gusto silang makadungog Kaniya nga magtudlo mahitungod sa langit.

Kon ang mga tawo masakit, ayohon sila ni Jesus. Iyang giayo ang mga tawo nga dili makakita. Iyang giayo ang mga tawo nga dili makadungog.

Usa ka adlaw ang ubang mga tawo midala sa ilang gagmayng mga anak aron makakita kang Jesus. Gusto sila hatagan Niya ang ilang mga anak og panalangin. Ang mga disipulo ni Jesus misulti sa mga tawo nga dili samukon si Jesus. Nagtuo sila nga Siya busy.

Dili busy si Jesus. Iyang gisugo ang mga disipulo sa pagpaduol sa mga bata Kaniya. Miingon siya nga ang gingharian sa langit gipanag-iya sa mga tawo nga sama sa gagmayng mga bata.

Gihigugma ni Jesus ang tanang mga bata. Dili igsapayan kinsa kamo, unsay inyong hitsura, o diin kamo magpuyo. Gihigugma kamo ni Jesus!