ʻI he Fonongaʻangá
Ko e Feituʻú ʻEni!
Haʻu ke tau vakaiʻi ha feituʻu mahuʻinga ʻi he hisitōlia ʻo e Siasí!
ʻOku lue māmālie atu ʻa ʻElisī mo Kaili H., taʻu 9 mo e 6, ʻi he ngaahi hala sinou ʻo ha kiʻi kolo paionia ne toe langa foʻou ʻi Sōleki Siti, ʻIutā. ʻOku hangē ne toe foki ki he lotolotonga ʻo e taʻu 1800. Ko e taimi ia naʻe nofoʻi ai ʻe he kau paioniá ʻa e Teleʻa Sōlekí. Kau fakataha mo ʻElisī mo Kaili ʻi hono vakaiʻi e Paʻake Tukufakaholo Ko e Feituʻú ʻEní, ke ʻilo pe naʻe fēfē ʻete hoko ko ha kiʻi tamasiʻi paionia.
Naʻe ʻave ʻe he taha kosiʻulu ʻo e koló e fulufuluʻi ʻulu mei he kosí mo e telé ki he kau faʻu tamapuá ke fakaʻaongaʻi ko e louʻulu e fanga kiʻi tamapuá.
Naʻe nofo ha fāmili toko 12 ʻi ha kiʻi ʻapi fakapaionia. Naʻe pau ke ō ki tuʻa ʻa e fānaú ʻo kaka ʻi ha tuʻunga ke aʻu ki he loki mohe he fatá.
Naʻe vaʻinga e fānau paioniá mo ʻenau fanga kiʻi meʻavaʻingá ʻi he hili honau ngaahi fatongiá. Ko e meʻa naʻe saiʻia taha ai ʻa Kailí ko ha pea naʻe fusi hake ʻi ha maea ʻe ua. Naʻe tokoni ia ki he fānau paiponiá ke nau ako ke tatau e huʻakau ʻo ha pulu!
Naʻe ngata e fononga fakahihifo ʻa e kau fuofua paioniá ʻi he 1847. Naʻe pehē ʻe Pilikihami ʻIongi ʻi heʻene fuofua mamata ki he Teleʻa Sōlekí “Ko e feituʻu totonú ʻeni.” ʻOku fakalāngilangiʻi ʻe he maka fakamanatu ko ʻeni, naʻe palani ʻe he mokopuna ʻo Pilikihami ʻIongí, ʻa e kau paionia loto toʻá.
Mani! Naʻe toe manako foki e fānau paioniá ʻi he lolé!
Naʻe faʻa ō e fānau paioniá ki ha ako ʻi ha fale loki taha. Naʻe fakataha e fānau ʻo e ngaahi taʻú kotoa ʻi he loki tatau—tatau ai pē kapau ʻoku nau ako ha ngaahi meʻa kehekehe.