Na Salatu Dodonu
Mai vei Elder Claudio D. Zivic
Ena Vitusagavulu
Mai na “Meda Kakua ni Muri Cala,” Liaona, Me 2014, 39–41.
“Dou vakatudaliga ka rogoca na vosa ni Kalou ka a buli kemudou” (V&V 43:23).
Ena vica na yabaki sa oti au a sikova kei na noqu matavuvale na Arches National Park, e Utah, Amerika. E dua vei ira na icurucuru totoka duadua e vakatokai na Delicate Arch, Keitou nanuma me keitou sa kabata na ulunivanua me keitou yacova yani.
Keitou sa tekivu ena kena sala ena marau levu, ia vakalailai ga ki liu, ratou sa via cegu na kena vo. Ena noqu gadreva meu yaco i kea, au sa mani taubale duadua ga yani. Ena noqu sega ni raica tiko na sala meu goleva, au sa laki muria sara e dua e tiko e liu, e vaka me kila tu o koya na ilakolako o ya.
Sa vaka me dredre tikoga mai na gaunisala o ya. Au sa vakadeitaka ni ratou na sega ni rawata na noqu matavuvale. Vakasauri ga au sa raica sara na Delicate Arch, ia au kurabui vakalevu, niu sega ni yacova rawa. Na salatu au a taura e sega ni mua ki na icurucuru.
Au a nuiqawaqawa sara, kau sa mani suka lesu. Au tokatoka ca, keitou veitomani tale kei na noqu ilawalawa. Ratou a vakamacalataka ni ratou a muria na ivakatakilakila ni gaunisala, ena qaqarauni kei na sasaga, e ratou a yacova rawa na vanua o ya. E ka ni rarawa, niu a gole cala. Sa qai dua na ivakavuvuli levu au a vulica!
Kakua ni raiyawaka na nomu sala ki na bula tawamudu vata kei na Tamamu Vakalomalagi. Vakamuria na ivakavuvuli ni kosipeli kei na ivakaro o vulica, ka o na qai tiko ena sala dodonu mo bula tawamudu kina vata kei Koya.