Na kaukauwa cava soti e tiko vei Setani me veirawai kina ena noqu vakasama?

Na Tamada Vakalomalagi sa solia oti mai na galala ni digidigi, na dodonu meda digitaka na vinaka se na ca. E sega ni vakasaurarataki keda meda caka vinaka, kei na tevoro ena sega ni vakasaurarataki keda meda ivalavala ca (raica na Nodra iVakavuvuli na Peresitedi ni Lotu: Josefa Simici [2007], 243).

Ni sa dau yaco me tara na nomu vakasama, na kaukauwa ni vu ni ca ena rawai iko walega ena nomu na vakatara me vakayaco ka. Na parofita o Josefa Simici e kaya, “O Setani ena sega ni rawa ni vakayaco ka ena noda bula, vakavo kevaka meda solia vua na veivakadonui” (iVakavuvuli nei Josefa Simici, 213). E a kaya talega, “e sega ni tiko vua na tevoro na kaukauwa me rawai keda ena nona dau veitemaki vei keda vakavo kevaka meda sa vakadonuya mai vu ni yaloda” (214).

Ena kena ikuri, na ivolanikalou e tukuna vei keda “ni sa kila na Kalou na nanuma kei na inaki kecega ni lomamu” (V&V 6:16), ni o Setani e sega mada ga ni kila na ka veinanuyaka tiko. O koya ena rawa walega me solia na veitemaki kei na veivakayarayarataki. Ia, kevaka ko sa digitaka mo muri ira o koya ena rawa ka vakalevu sara mai vei iko ka na lako cake tikoga na kaukauwa ni veitemaki. Ena kena ivalavala vaya ga kevaka mo vorata na ca ka dewa mai kina caka vinaka, ko na vakaukauwataki ka vakalougatatataki.