Na Kaukauwa ni Vakabauta

iVakatakilakila

A mother ssitting with her small daughter as the girl colors in a coloring book.

Ena dua na gauna niu a vuli voli au qai dabeca e dua na veitarogi ka mani vakavuna me mosi na domoqu. Na mosi e a sega ni lako laivi ni sa oti na veitarogi. Au a raici ira e so na vuniwai kei na cerapisi ka tovolea e levu na ka ni veivakacegui ni mosi ia e sega ni kauta laivi na mosi. Ena yabaki e tarava niu saga meu lako curuma na mosi, au a saga talega meu vakadeitaka na noqu vakabauta. Au a dau masu wasoma, au dau wili ivolanikalou vakelevu, ka kerea na veivakalougatataki ni matabete. Au vakila ni kevaka me tiko na noqu vakabauta au na vakabulai.

O Jisu Karisito e vakabulai ira na tauvimate, na mataboko, na wadamele, na vukavuka—“a ena [nodra] vakabauta” (Maciu 9:29). Au kila ni tiko vua na kaukauwa me vakabulai au me vakataki ira e lewe levu sara ena Nona gauna ni bula vakayago Au sa qai vakadeitaka, ni kena lailai ga ni noqu vakabauta e sega tiko kina niu vakabulai, au sa qai vakaruataka na noqu sasaga. Ni toso tiko na noqu qaravi vakavuniwai, au a dau masumasu ka lolo ka vulica kei na vakabauta. Ia, na mosi e lako tu ga.

E vakavulica vei keda na ivolanikalou ni tiko na vakabauta ena rawa na cakamana (raica na Maciu 17:20), ia e sega ga ni kauta laivi mai vei au na mosi. E tiko li e vei na kaukauwa ni noqu vakabauta? Kena itinitini, meu sa ciqoma na dina ni veika sa yaco tiko qo vei au, sotava e so na sala meu vakacegui mai na mosi, ka sa vakadeitaka meu sa na lako curuma mada ga ena vakabuta ka vakavakarau yani kina veivakabulai ena qai yaco ga mai na kena gauna.

Vuqa na na yabaki mai ki muri au a veitalanoa tiko kei na dua na noqu itokani ka a sotava talega na mosi vata ga o ya ka vakavuna me curu vakavica kina ivalenibula ena imatai ni nona vakasucu. E a vinakata o Erin me dua tale na luvena, ia sa qai leqataka de na baci yaco tale vua na mosi vata ga e a sotava ena imatai ni nona vakasucu. Tukuna vei au o koya ni sa dau masu voli ka lolo ka vakabauta taucoko ni Tamada Vakalomalagi ena sega ni rawa ni vakatara me yaco vakarua vei koya na mosi vata vaka o ya.

Ni keirau veivosaki tiko, au nanuma sara na tiki ni ivolanikalou, “Dou tiko lo ka galu dou kila niu sa Kalou” (Same 46:10). Au nanuma na veika au a sotava ena vulici meu tiko lo ena maliwa ni dredre ka uqeti Erin me dei tikoga nona vakabauta, ia me kakua na vakabauta o ya ena nona rawa ni lako curuma na redre vata ga o ya kevaka me na kunekune tale.

Niu tosoya noqu vulica na ivakavuvuli ni vakabauta, au raica sara na ka e kaya o Alama me baleta na vakabauta ni a kaya kina vakaoqo “Na vakabauta sa ikoya na vakanuinuitaki ni ka dina e sega ni rairai ia e se bera ni kilai sara” (Alma 32:21).

Niu vakasamataka tiko na tiki ni ivolanikalou qo, au sa qai kunea ni vakabauta e sega ni o koya na ka au nanuma tiko. Vakatavulica o Alama, ni vakabauta sa vakanuinuitaki ni dua na ivakavuvuli dina. Na vakabauta e sega ni kena ibalebale me da vakanuinuitaka ni na solia vei keda na Tamada Vakalomalagi na ka eda gadreva ena guna eda gadreva kina. Na vakabuta me vakavinakataka na mosi ni domoqu o Karisito se me o Erin me na sega ni lomaloma ca ena gauna e kunekune tale kina e sega ni vakabuta na ivakavuvuli dina. Ia, e rawa ni tiko na vakabauta ni o Karisito e tiko vua na kaukauwa me veivakabulai, ka dau nanumi keda, ka na vaqaqacotaki keda, ka kevaka meda na vosota yani vakadede, eda na rawa ni vakadonui meda curu kina bula tawamudu.

Sa yalataka na Turaga, “Na veika kecega dou sa kerea ena vakabauta ka kila ni na soli vei kemudou ena yaca iJisu Karisito, ko na rawata vakaidina” (Inosi 1:15). Au vakabauta ni kaukauwa e tiko ena yalayala oqo e tiko ena vakabauta “ena yaca i Jisu Karisito.” Na iVolavosa ni iVolatabu ena masu e vakavulica “Ni da masu ena yaca iKarisito ni sa noda vakasama o Karisito ka sa noda vakanuinui o Karisito ka sa tiko ga kei keda na Nona vosa. (Joni 15:7). Eda sa na qai kereya na veika ena rawarawa vua na Kalou me solia. Levu na masu e ra sega tu ni saumi baleta ni ra a sega ni cabori ena yaca iKarisito; era sega sara tu ga ni vaka na nona vakasama ia e kau mai na yalo kocokoco ni tamata ena nona sa vakariri.”

Ni da kereya ena vakabauta e so na ka ka salavata kei na loma ni Kalou. o Koya ena solia mai na veika oqori me vaka na noda gagadre. Na Tamada Vakalomalagi e kilai keda, e lomani keda, ka gadreva ni sa ganiti keda meda na lesu kece tale Vua. Ena so na gauna na veika oqori ena sotavi kina na dredre, na leqa, kei na bolebole (raica na 1 Pita 1:7). Kevaka me na dauvagalalataka o Tamada Vakalomalagi na veika dredre eda sotava ena noda dau kerea o Koya ena kauta tani mai vei keda na veika e dodonu meda na vulica me baleta na noda na vakabulai. Meda vulica meda sa dau vakararavi kina ituvatuva ni Kalou ka solia na noda vakatu; lewa me lewa. Ni da sa semata na noda gagadre kina nona gagadre kei na ka e kila, na noda vakararavi Vua sa na rawa ni da na ciqoma na itintitini ni noda vakabauta kei na veivakabulai ni yaloda. (1 Pita 1:9).