Ena vukui Josefa

Mai vei Ted Barnes

Tabacakacaka ni Matabete

Sa tiko vakacaca oqo e ono na sala e duidui kina na nomu bula ena vukuni Parofita o Josefa Simici.

iVakatakilakila

Painting of a young boy kneeling looking up at a grove of trees. At the center of the painting is a young boy (age 14) kneeling. His hands are resting on his thighs and he looks up at a light source above his head. The boy wears grey trousers (with suspenders) and grey vest and an off-white shirt. The shirt has a collar and two button placket at the front and the sleeves are rolled. The young boy had blond hair that is slightly rumpled. The background his a grove of trees, almost all with no leaves. There are some low saplings immediately behind the boy. The foreground has rocks, twings and small plants sprouting. "Walter Rane 04" appears in the lower right corner in red.

A mate o Josefa Simici ena sivia na 170 na yabaki sa oti. A 38 walega na yabaki na nona bula, ka bula voli ena vuqa na gauna oqori ena veivanua tawakilai ka da na sega ni rawa beka ni raica vakavo ga ena mape matailalai sara. Sa na rairai viavia matata tu beka vei keda e vuqa na ka e dau vakayacora ena nona bula. Ia o sa bau vakasamataka beka na kedra revurevu vei iko? E rairai sa rui levu beka me wiliki na veisala oqori, e rawa ni o tekivu ena ono oqo.

Ena vukui Josefa Simici:

1. O sa kilai rau dina kina na Kalou kei Jisu Karisito.

Kevaka mada a sega o Josefa Simici o se vakabauta tu beka ga oqo na Kalou na Tamada kei Jisu Karisito. Sa rawa kina mo vakadinadinataka na iVolatabu. Vakasamataka mada na titobu kei na vutuniyau ni nomu kilaka ena vuku ni veika a vakalesuya mai o Josefa Simici—na ivakadinadina qaqa ka veivakadeitaki ni iVola i Momani, Vunau kei na Veiyalayalati, kei na Mataniciva Talei. Kena ivakaraitaki, o kila tiko e dua na ka era sega tu ni kila e vuqa e vuravura: ni a rairai na iVakabula sa vakaturi cake e Amerika—ka vakadinadinataka, ena Nona vosa, ni o Koya e sega walega ni “nodra Kalou na Isireli, ia na Kalou [talega] ni vuravura taucoko” (3 Nifai 11:14).

Vakasamataka mada na sala sa vaqaqacotaki kina na nomu ivakadinadina me baleta na Tamada Vakalomalagi kei Jisu Karisito mai na nodra ivakadinadina bula tudei na parofita me vakataki Nifai, Alama, kei Moronai—sega ni cavuti kina o Josefa Simici vakataki koya, ka a tukuna: “Sa bula dina tiko ko Koya! Keirau a raici Koya vakaidina ni sa tiko ena liga imatau ni Kalou” (V&V 76:22–23). Ena dua na gauna sa bolei vakalevu kina ka dau cakitaki na vakabauta na Kalou kei Jisu Karisito, sa dua na veivakalougatataki levu me tu vei keda na ikuri ni rarama oqo.

2. O kila tiko ni o iko na luve ni Kalou—ka vakakina na tamata kecega.

iVakatakilakila

Youth in the Philippines are walking in a line and laughing and holding hands.

E rairai na dina bibi duadua beka a vakalesuya mai o Josefa Simici sai koya na dina me baleta na noda veiwekani kei na Kalou.¹ Sai koya dina na Tamada. O sa bau tu mada vakadua ena dua na gauna mo vakasamataka na veika e drodro mai na dina oya? E veisautaka na ivakarau ni nomu raici iko: veitalia na veika e nanuma o vuravura me baleti iko, o kila ni o iko e dua na luvena lomani na Kalou, ka tu vei iko na veika talei mai Vua. E veisautaka na ivakarau ni nomu raici ira na tani: vakasauri era sa tacimu se ganemu na tamata kecega—tamata kecega. E veisautaka na ivakarau o raica kina na bula: na kena reki kei na veivakatovolei era tiki ni nona ituvatuva na Tamada Vakalomalagi me vukei iko mo rawa ni yaco me vakataki Koya. Sega ni ca me baleta e dua na ka o dau lagata ena Lalai!²

3. E rawa ni tawamudu nomu matavuvale.

iVakatakilakila

Family posing together on a street in Hong Kong.

Na cava era dau veilecayaki kina e vuqa na tamata me baleta na bibi ni vakamau kei na matavuvale? E rairai era se bera beka ni kila na ivunau ka a vakalesui mai vei Josefa Simici, na vakamau kei na matavuvale e lewa na Kalou ka kena inaki me tawamudu (raica na V&V 49:15; 132:7). Oqo era sega ni ivalavala e bulia ga na tamata ka sa madra mai ena noda veitikotiko—era tiki ni ituvatuva tawamudu vakalomalagi. Ka da vakavinavinaka ena vuku ni idola vakamatabete kei na cakacaka vakalotu ni valetabu era a vakalesui mai vei Josefa Simici, sa rawa ni tekivu yani e vuravura na nomu matavuvale tawamudu.

4. Sa vakarau tu vei iko na matabete kei na kena veivakalougatataki.

iVakatakilakila

Filipino church members during a sacrament meeting.

Ni sa vakalesuya mai na Kalou na Nona matabete mai vei Josefa Simici, sa rawa ni o papitaiso, ka ciqoma na isolisoli ni Yalo Tabu. E rawa ni o vakasaqara na veivakalougatataki ni matabete ni veivakabulai, vakacegu, kei na veituberi. E rawa ni o cakava na veiyalayalati tabu ka na vauci iko vua na Kalou. Ka na rawa ni o vakavouya na nomu veiyalayalati e veimacawa ni o vakaivotavota ena sakaramede. Mai na cakacaka vakalotu ni matabete, sa na curuma kina na nomu bula na kaukauwa ni Kalou (raica na V&V 84:20–21). Ena sega ni rawa e dua na ka vei ira oqo kevaka a sega na cakacaka e mai rawata o Josefa Simici.

5. O sa galala mai na veivakatotogani ni waigaga.

iVakatakilakila

Two young men in DR Congo playing basketball.

Se ena rawa vei iko kevaka o talairawarawa ki na ivakatakila a ciqoma o Josefa Simici ena 1833—ni se bera sara ni qai vakadinadinataki vakavuniwai ni vakavuna na kenisa ni yatevuso na tavako ka semati na alakaolo ki na mate ni ivi. Ni tu vei keda e dua na parofita ka vakatakila tiko mai na vuku ni Kalou, a cava me da waraka kina me toboki keda mai na vuku vakavuravura? E vakaraitaki ena Vosa ni Vuku ni sega walega ni kauwaitaka na Kalou na yaloda ia na yagoda talega (raica na V&V 89). Ia, ni sa vakaraitaki ena ivakatakila vei Josefa Simici, ni noda vakayago sa rawa kina vei keda me vakataka vakalevu cake—sega ni vakalailai sobu—na Tamada Vakalomalagi, o Koya ka tiko talega na yagona vakalewe kei na sui (raica na V&V 130:22).

6. E rawa ni o kila vakataki iko na dina mai na Yalo Tabu.

iVakatakilakila

A young Polynesian woman kneeling in prayer beside her bed.

Ni kalawa yani ki na Veikau Tabu ena 1820 na gonetagane o Josefa, na nodra vakabauta e vuqa na veimatalotu ni ivakatakila e ka ni veigauna sa oti. E vakadinadinataka na iMatai ni Raivotu nei Josefa Simici ni cala oya. Sa tadola tu ko lomalagi—sega walega vei ira na parofita. Na tamata kecega e vakatataro e rawa ni rawata na kena isau mai na nona vakasaqaqara ena yalomalumalumu, kei na gugumatua (raica na V&V 42:61; 88:63). Me ivakaraitaki, e rawa ni o raica vakataki iko ni o Josefa Simici na parofita ni Kalou ena sala vata a raica kina o Josefa: ena nona taroga na Kalou.

Na ituvatuva oqo e kena itekivu walega. Na cava beka mo na vakuria? Sa duatani vakacava na nomu bula ena vukui Josefa Simici?

Semati iko ki na Veitalanoa

Veika me Vakasamataki me baleta na Sigatabu

E rawa vakacava niu vaqaqacotaka na noqu ivakadinadina me baleta na Parofita o Josefa Simici?
Na sala cava au na vakaraitaka vakavinaka cake kina na noqu vakavinavinaka ena vukuna na parofita bula mai na noqu vosa kei na ivalavala?

Veika e Rawa ni o Cakava

Ena lotu, kei na nomu matavuvale kei ira na itokani, se ena tabana raraba vakaitukutuku, wasea na ivakarau sa tara kina nomu bula na Parofita o Josefa Simici.
Me vaka a vakayacora o Josefa Simici, taroga vei Tamada Vakalomalagi na nomu taro. Taura na gauna mo tekiduru ena masu ka kerei Koya mo tuberi. Ni oti oya, wawa ka vakarogoca na vakasama se na vakanananu. Vola na veika o sotava ena nomu ivolaniveisiga.
Wilika na vosa “Josefa Simici” mai vei Elder Neil L. Andersen ena Kuoramu ni iApositolo Le Tinikarua ena koniferedi raraba ni Okotova 2014. Tuva e dua na ituvatuva me vakayagataki na vakasama e rua a solia ena kena tarai cake ka wasei na nomu ivakadinadina me baleti Josefa Simici.