Katauraoi ni Karekea te Nakoanibonga ae te Merekitereka?
“Ni kabne ake a karekea te nakoanibonga, a karekea te tuea aei ao ana berita ae tabu Tamau, are e aki kona n uruakia” (D&C 84:40).
Kamatata n te korotamnei iroun John Kachik
Tiaki n aron te Nakoanibonga ae te Aaron, are e karekeaki n akea te tuea, te Nakoanibonga ae te Merekitereka e karekeaki ma te tuea are e karaoia te Tama are i Karawa ao ma te berita ae tabu are e karaoaki imarenam ma Ngaia. Iango aika imwiina a na buokiko n ota n taian kibuntaeka inanon Doctrine ao Covenants 84:33–44, ike te Uea e kaota te tuea ao te berita ae tabu ibukin te nakoanibonga.
Tera te tuea are e karaoia Tamara are i Karawa?
“Ni maiu ma te kororaoi nakon riain te tuea ao te berita ae tabu e uoti ana bwaintangira te Atua ni kabane: te maiu are akea tokina. Anne oin te kantaninga ibukin te Nakoanibonga ae te Merekitereka. Rinanon kawakinan berita aika tabu ngkai ti karekea te nakoanibonga ao ni kabooui inanon karaoaia n te tembora, ti beritanaki man te tuea are e karaoia Tamara are i Karawa, Elohim, bwa ti na karekea bwaninin Mimitongina ao ni maiu ngkai E maiu.”
Beretitenti Henry B. Eyring, Moan Kauntira n te Moan Beretitentii, “Faith and the Oath and Covenant of the Priesthood,” Liahona, Meei 2008, 61.
Tera tabem inanon te berita ae tabu?
“Te berita ae tabu n taben te mwaane bwa e na kakaraoa nakoana n te nakoanibonga [taraa D&C 84:33], ao bwa e na maiuakin taeka ni kabane ake a nako mai wiin te Atua, ao bwa e na kawakin tuua.”
Beretitenti Joseph Fielding Smith (1876–1972), “Magnifying Our Callings in the Priesthood,” in Conference Report, Eberi 1970, 59.
Tera ae nanonaki ni kaboouan rabwatam?
“I a tia n noora te berita anne bwa e koro bukina inanon oin maiu ao ni maiuia tabeman. Raoraou ae beku bwa te beretitenti n te mition. E tuangai bwa n tokin te bong koraki inanon ana tai ni beku, e kuri n aki kona n tamwarake nako eeta nakon ana kainiwene n te tairiki ao ni iangoia bwa tera ngke e kona n reke korakorana ni kaitara te bong are imwina. Ngkanne n te moaningabong, e kunea bwa e a manga oki korakorana ao ninikoriana. Ko a tia n nooria ni maiuia burabeti ake ngkoa ake a taraa ni manga kaboouaki korakoraia ni katoa te tai are a tei iai ni kakaotiota koauan te Uea Iesu Kristo ao te euangkerio are e a tia ni kaokaki. Anne te bertia ibukiia naake a waaki nako ma te onimaki inanon aia mwakuri n ibuobuoki n te nakoanibonga.”
Beretitenti Henry B. Eyring, “Faith and the Oath and Covenant of the Priesthood,” Riaona, Meei 2008, 62.
Tera ae nanonaki ni butimwaea te Uea?
“Mwaane ake a butimwaea te nakoanibonga ma te kororaoi a butimwaea te Uea Iesu Kristo, ao naake a butimwaea te Uea a butimwaea te Atua te Tama. Ao naake a butimwaea te Tama a butimwaai bwaai ni kabane ake Irouna. Kakabwaia aika kamiimi a roko man taeka ni bau ao te berita ae tabu nakoia mwaane, aine ao ataei n te aonaaba ni kabane.”
Unimwaane Russell M. Nelson man te Kooram n Abotoro ake Tengaun ma Uoman, “Covenants,” Liahona, Nobembwa 2011, 88.
Tiein ibukin Koroboki aika Tabu aika Irekereke: Butimwaean te Uea
Butimwaean te nakoanibonga bon teuana te kawai ni butimwaea te Uea. Wareki kiibu aikai n reiakin riki uoua: Ioane 13:20 ao Doctrine ao Covenants 112:20.
Reirei n Taabati
Atun te Reirei n te Namwakaina aei:
Taian Otenanti ao Berita aika a Tabu