Te peeraa i te mau Peropheta e te mau aposetolo
E pii te Atua i te mau peropheta e te mau aposetolo no te haapii ia tatou i te mea ta te Atua e hinaaro ia ite tatou. I roto i te mau papa’iraa mo’a e nehenehe ta tatou e tai’o no ni’a i te mau peropheta mai ia Noa, Nephi, e o Iosepha Semita, e te mau aposetolo mai ia Petero e o Paulo. E peropheta e e aposetolo ta tatou i teie mahana !
Eaha te hoê « peropheta, te hi’o e te heheu parau » ?
E paraparau te hoê peropheta no te Atua.
E nehenehe te hoê hi’o e ite i te tau i muri, i teie tau, e i te tau i mua.
Na te hoê heheu parau e heheu mai (e a ore râ e faa’ite mai) ia tatou i te hinaaro o te Atua.
-
E mau peropheta, e mau hi’o e e mau heheu parau ana’e te mau melo o te Peresideniraa Matamua. Mai te reira ato’a te mau aposetolo paato’a.
-
Te peresideni ana’e o te Ekalesia tei mau i te mana no ô mai i te Atua ra no te arata’i i te Ekalesia taato’a.
-
Ehia rahiraa peropheta ora, hi’o e te heheu parau taato’a ta tatou ?
12 15 3 1
Pahonoraa : 15
No te aha e mea faufaa ia pee i te peropheta ?
E au te hoê peropheta mai te hoê taata e tia’i ra i ni’a i te hoê pare (a hi’o ato’a i te api 38). E nehenehe ta’na e ite i te fifi e fâ maira e ia parau mai ia tatou nahea ia vai ma te hau. E tauturu oia ia tatou ia pee ia Iesu Mesia.
Eaha ta to tatou peropheta i ani mai ia tatou ia rave ?
O te peresideni Thomas S. Monson to tatou peropheta i teie mahana. Teie te tahi mau mea ta’na i ani mai ia tatou ia rave.
-
A pee i te hi’oraa o Iesu e a here i te mau taata ato’a.
-
A aufau i te tuhaa ahuru e a horo’a i te moni i roto i te afata misionare.
-
A faaatea ê i te mau hoho’a teata, TV, hairiiri e te tahi atu mau haaparareraa hairiiri.
-
A tuu i te hoê hoho’a no te hiero i roto i te mau piha ato’a.
-
Tai’o i te mau a’oraa o te amuiraa rahi.
-
A haere e farerei i te ruhiruhia e ia riro ei taata tupu maita’i.
A rave hoê mea i roto i te tapura o ta outou e nehenehe e rave i teie ava’e. E aha ta outou e rave ?