Te mau mana’o no te pureraa pô utuafare
I roto i teie ve’a te vai nei te mau parau papa’i e te mau ohiparaa o te nehenehe e faaohipahia no te pureraa pô utuafare. Teie hoê hi’oraa.
« Noa’tu e haama noa oe », api 60 : E nehenehe outou e faaohipa i ta outou pureraa pô utuafare no te faa’ite i te evanelia ! A tauaparau utuafare eaha ta te mata’u e rave e mea fifi no outou ia faa’ite i te evanelia. E nehenehe outou e pure utuafare, e ia tauturu mai te Fatu ia outou ia farii te ti’aturiraa no te faa’ite i te evanelia e i muri iho ia pure o vai ta outou e ani manihini no te pureraa pô utuafare. A feruri i te ani manihini i te melo tata’itahi o te utuafare ia faa’ite i te iteraa papû i te roaraa o te haapiiraa. E nehenehe outou e ma’iti i te haapii i te hoê haapiiraa no ni’a i te faaho’iraa mai e aore râ te faanahonahoraa no te faaoraraa. A feruri i te papa’i i to outou iteraa e to outou mana’o i roto i ta outou buka aamu.