Ang Kalainan sa Teacher Council
Ang tagsulat nagpuyo sa Scotland.
Usa ka komentaryo sa usa ka miting sa teacher council nakapausab og daghan kay sa akong pagtudlo.
Ang mga miting sa teacher coucil nakatabang si Sandra Cattell (tunga) sa pagpalambo sa iyang mga abilidad sa pagtudlo.
Tigulang nako, mao nga sa dihang gitawag ko sa pagtudlo sa Young Women, naghunahuna ko, “My goodness! Nahibulong ako nganong gitawag ko nila?”
Naningkamot ko pag-ayo sa pag-andam og mga leksyon nga angay sa mga panginahanglan sa batan-ong mga babaye, ug manghinaut ko nga sila andam sa pagpakigbahin unsay ilang nakat-unan ug unsay ilang gibuhat niini niana nga semana. Apan ang akong mga pangutana sa kasagaran walay tubag.
Sa usa sa mga miting namo sa teacher council sa ward, usa sa mga magtutudlo miingon nga nagllisud siya sa kabatan-on nga mosulti panahon sa mga leksyon. Laing magtutudlo sa miting miingon, “Well, makatugot man mo sa kahilom, di ba.” Usahay ang mga tawo kinahanglan og gamay nga panahon sa paghunahuna sa pangutana sa dili pa motubag.
Kana nga komentaryo sa miting sa teacher council nakahimo og kalainan dili lang sa paagi sa akong pagtudlo apan sa akong mga estudyante usab. Gihunahuna ko kini pag-ayo. Sa akong sunod nga leksyon sa Young Women, nangutana ko sa klase unsa nga baruganan sa ebanghelyo ang ilang nagamit niana nga semana. Mao gihapon, dihay kahilom. Apan imbis diha-diha mosapaw dayon sa kahilom, nakahinumdom ko sa among panaghisgutan sa teacher council ug hilom nga miingon, “Ayaw lang pagdali-dali.”
Sa dihang nakasulti ko niana, ang panagsultihanay nagsugod. Ang batan-ong mga babaye nagsugod sa pagsulti, ug nakigbahin sila og pipila ka nindot nga mga kasinatian. Diha-diha gusto unta nako nga pasalamatan ang magtutudlo kinsa mihimo nianang yanong komentaryo sa miting sa teacher council mahitungod sa kahilom. Natingala ko nga ang pagbuhat nianang usa ka baruganan adunay dako kaayo nga kalainan diha-diha.
Apan wala ko makaamgo hangtud nataudtauran unsa ang nahimo niana nga kalainan ug sa ubang mga baruganan nga akong nakat-unan. Human sa pagsimba ang inahan sa usa sa batan-ong mga babaye misulti nako nga ang iyang anak miingon nga siya nasayud nga ako gitawag sa Dios.
Dili ko makasulti ninyo kon unsa ka espesyal kana nga komentaryo ngari nako. Diha naghunahuna ko, “Unsa may naa nako sa pagtudlo niining batan-ong mga babaye?” Apan nakatudlo gyud siguro ko butang nga importante. Gitawag ko nga dunay katuyoan, ug ang miting sa teacher council nakatabang nako sa pagtuman niana nga katuyoan.