Vahe ‘o e Kau Taki Faka-ʻēlia Foʻoú

Vakai ki he news.lds.org ki ha ongoongo lahi ange mo e meʻa ʻoku hoko ʻi he Siasí.

Kuo fanongonongo ʻe he kau Palesitenisī ʻUluakí ha ngaahi liliu ki he ngaahi tuʻunga takimuʻa fakaʻēliá, ʻo kamata ʻi he ʻaho 1 ʻo ʻAokosi 2016. Ko e kau mēmipa kotoa ʻo e Kau Palesitenisī Fakaʻēliá ko ha Kau Fitungofulu Taki Māʻolunga kinautolu.

ʻOku ui ʻa e Kau Fitungofulú ʻi he fakahā, ʻo fakatatau mo e fakahinohino ʻa e kau Palesitenisī ʻUluakí, ke tokoni ki he Kōlomu ʻo e Kau ʻAposetolo ʻo e Toko Hongofulu Mā Uá ʻi heʻenau ngāue ʻi he funga ʻo e māmaní.

Lolotonga e ngāue ʻa Kalaisi he māmani, naʻá Ne ui ʻa e Kau Fitungofulú, ʻo fakahinohinoʻi kinautolu ʻi ha founga tatau pē mo e kau ʻAposetolo ʻe Toko Hongofulu Mā Uá, pea fekau atu kinautolu “ʻi he ʻao ʻo hono fofongá,” mo fakamatalaʻi ange ko kinautolu ʻoku fanongo ki honau leʻó te nau fanongo ai ki Hono leʻó (vakai, Mātiu 10:1, 16–17; Luke 10).

ʻI ha fakahā ne ʻoange ki he Palōfita ko Siosefa Sāmitá ʻi he 1835, ne fakahaaʻi ai ʻe he ʻEikí, kau ai ha ngaahi meʻa kehe ʻa e, “lakanga ʻo e Kau Fitungofulú, kuo pau ke nau maʻu ʻa e kau palesiteni ʻe toko fitu ke pule kiate kinautolu ʻa ia kuo fili mei he toko fitungofulú” (T&F 107:93).

ʻĪmisi

kau taki fakaʻēlia foʻou