Rai ki na dua na Soqoni ni Matabose

Sa mataka ni Siga Tabu, ka ra sa bose vata e 45 na marama ena Tabanalevu o Bugambilias mai Guadalajara, e Mexico. Ni laga oti na imatai ni sere, a sureta o peresitedi ni iSoqosoqo ni Veivukei o Yara Ramirez eso mera wasea nodra gauna ni lesoni ena macawa sa oti.

Ni oti nodra veiwasei na marama ena vica na miniti, a vola o Sister Ramirez e dua bulu na vosa ena vava ni volavola ni bera ni dabe tale.

A volai na “Duavata”.

Ena veidusimaki nei Sister Ramirez era a raica na Mosaia 18:21 ka wilika kina, “… me semati na lomadra ena duavata kei na veilomani vakataki ira.”

“Na cava eda rawa ni cakava na iSoqosoqo ni Veivukei meda laki bulataka na ivolanikalou oqo?” a taroga.

Era a vakasama vakalailai na marama. “Ia era sega ni gole rawa na itabagone ki valetabu,” a kaya e dua na marama. “Era sega ni levu na marama mera gole vata kei ira.”

“Au a sega ni kila,” e kaya e dua, ena kurabui. “Ke o sega ni kila ni tiko na gagadre,” a taroga, “o na veivuke vakacava?”

“Oqo na vuna eda tiko kina eke,” a sauma o Sister Ramirez. “Sa tiko na gagadre vakaoqo au a vulica ena matabose ni tabanalevu eda rawa ni veivuke kece kina.”

“E rawa ni da lesia na kena tikinisiga?” a kaya e dua. Era sa taleitaka vakalevu cake na ilawalawa. “Au vakabauta ni ra sa lokuca tu na itabagone na valetabu e dua na Lotulevu ni veivula.”

“E dredre tiko mada ga meu gole ki valetabu,” a talaucaka mai e dua na tina goneyalewa ena ilawalawa. “Sa dede sara noqu sega tu ni lako kina, kau vakila niu sa nanumi au tu ga vakai au. Au taleitaka sara ga meu laki veiqaravi,” a kaya.

E vica era a deguvacu ena vakadonuya. E a dredre talega vei ira mera dau tiko ni ra vinakata.

E dua tale na tina goneyalewa a kaya ni ra veisau meimei vakai ira ka vakakina ena gole ki valetabu.

Era a qai veitarogi vakai ira na marama ena vanua era tiko kina kei koya e tiko tikiva e dua na itabagone. Era a veivosakitaka na sala mera dui vukea na itabagone ki na nodra itaviqaravi.

“Ia, e dodonu meda veikilai vakai keda yadua talega,” a kaya mai e dua. “E dodonu meda caka itaviqaravi!”

Era tomana nodra vosa na marama, ka vakatutu ka taroga na ka eso.

Ni vakarau cava na bose, a kerei nona vunivola o Sister Raminez me vakalekataka na miniti ni bose. “Na cava o ni vakila taucoko ena gauna ni bose?” a taroga.

Era a kaya ni ra sa kila vakalevu cake na gagadre ni tamata yadua, ni sa gadrevi na nodra veiqaravi, ka sa maliwai ira na itokani.

“Vakayavutaki ena veika e sotavi nikua, na cakacaka cava meda na raicamatua na iSoqosoqo ni Veivukei ena vula oqo?” a taroga.

Era sa lewa kina vakailawalawa mera kana vata ena Siga Tabu ni oti na lotu, tekivu tavipolo ena bogi ni Lotulevu, lokuci na tikinisiga ni gole ki valetabu, ka tuvanaka na sala mera vakaitaviqaravi na itabagone.

“Eda sa vakila na duavata nikua,” a tinia o Sister Ramire, ka sureta na marama yadua mera vakasamataka na sala mera veiqaravi kina ena loma ni macawa. “Ena tomana tiko nona veivakauqeti na Yalo Tabu vei keda ni da cakacaka vakayadudua ka vaka-iSoqosoqo ni Veivukei. Au sureti kemuni mo ni mai wasea ena Siga Tabu mai oqo na veika o ni sa sotava.”