O Sister Bingham ena Matabose ni Veimatanitu Cokovata

Ena nona vosa ena dua na mataveivosaki vakalotu me baleta na vakacokotaki ni isenivalu ena Matabose ni Veimatanitu Cokovata e New York City ena 13 ni Epereli, 2017, a vakaraitaka na Peresitedi Raraba ni iSoqosoqo ni Veivukei o Jean B. Bingham ni sa nuitaka ni ra na “cakacaka vata na mataisoqosoqo vakalotu ena veika lalai ka rawarawa me vakayacori kina na veika cecere.”

Ena gauna ni veivosaki vakayabaki ni “Raicamatua na Vakabauta”, a vakamacalataka o Sister Bingham na sasaga vakamata tamata ni Lotu vei ira na isenivalu ka vakavinavinaka vei ira kece era sa vakaitavi ena “cakacaka veibolei ia e titobu cake na kena isau” ni veivakacegui vei ira sa rarawa e vuravura taucoko.

A lesu walega mai oqo o Sister Bingham mai na veisiko ni United Nations Children’s Fund (UNICEF) ki Uganda vata kei Sister Sharon Eubank, iMatai ni Daunivakasala ena Mataveiliutaki Raraba ni iSoqosoqo ni Veivukei ka Dairekita ni LDS Charities. A tiko talega o Sister Eubank ena bose ni U.N. mai New York City.