Elder Juan A. Uceda

Ena nona taubale tiko vakacauravou daukaulotu ena vanua vakacacani mai Machu Picchu mai Peru, a sisi o Elder Juan A. Uceda ena gaunisala qiqo. Ni lili toka ena so na tabani kau ena 2,000 na fute (610 m) e dela ni uciwai, a masuta vagumatua me vukei. Ena mataka ni siga o ya a masu ga e tebenigusuna, a kaya, ia “niu sa vakarau mate, au a masu mai na yaloqu.” Ni sa vakarau lutu, a dua tale na daukaulotu a dreti koya bula.

Dua vei ira na vuqa na lesoni a kaya ni a vulica ena siga o ya sai koya “meu masu, meu masu ena veigauna ena ‘yalodina, ena lomamudou taucoko, [ka cakacakataka nomu] vakabauta na Karisito’ (Moronai 10:4).”

A tokoni o Elder Uceda me Vakaitutu Raraba ena Vitusagavulu ena ika 3 ni Epereli, 2010. A veiqaravi voli vaka-Dairekita Liu ena Tabacakacaka ni Kaulotu ka iVukevuke ni iWasewase ena iWasewase Tokalau Ceva ni Vualiku kei Amerika ena gauna a kacivi kina ki na Mataveiliutaki ni Vitusagavulu ena 1 ni Okosita, 2017.

Mai na 2010 ki na 2013 a daunivakasala ena Mataveiliutaki ni iWasewase ena Vuaira kei Sauca Amerika, kei na 2013 ki na 2016 a veiqaravi vaka-Peresitedi ni iWasewase Vualiku ni Ra kei Sauca Amerika.

A vuli mai Peru o Elder Uceda. A curu ena Jose Carlos Mariátegui Institute mai Lima, ka vulica kina na cakacaka ni akaude kei na veimaliwai vakatamata. A vulica talega na liutaki ni bisinisi ena Centro Andino de G.E. Institute. A tauri nona koroi mai na San Luis Gonzaga Univesiti, ka a soli vua na bejala diqiri ni veimaliwai vakatamata.

E a sa cakacaka oti o Elder Uceda ena iVakarau ni Vuli ni Lotu, vaka-dairekita ni iWasewase me baleti Peru kei Bolivia. A biuti Peru mai ena 2003 ka gole ki New Jersey, AMERIKA, me laki vukei tamana ena nodratou bisinisi vakamatavuvale.

Tekivu mai na nona lewena na Lotu ena 1972, sa veiqaravi oti o Elder Uceda ena vica na veikacivi, oka kina na laki kaulotu ki na Tabana ni Kaulotu e Lima Peru, mataveiliutaki ni Matawilivola ni Siga Tabu ni iteki, bisopi, lewe ni matabose e cake, daunivakasala ena mataveiliutaki ni iteki, peresitedi ni iteki, peresitedi ni Tabana ni Kaulotu e Lima Peru (1992–95), ka Vitusagavulu ni iWasewase.

A vakamautaki Maria Isabel Bendezu ena Maji 1979. Erau nodratou itubutubu e lima na gone.