Punaoa mo E Faaletonu le Faalogo

“Ina ia fesoasoani i tagata o e faaletonu le faalogo, o tekinolosi a le Ekalesia ua saunia o loo mafai ona maua i malumalu ma faletapuai,” ua taua e se faaaliga na auina atu i taitai i le lalolagi atoa i le aso 14 Setema, 2017. “E tatau ona faamasani taitai i nei tekinolosi ma faamautinoa ua silafia ma faaaogaina ia masini e i latou o e ono manuia ai.”

I malumalu, e mafai e tagata e faaletonu le faalogo ona talosaga le meafaalogo lea e faaaoga ai se polokalama infrared e faasalalauina i totonu o le malumalu. I faletapuai, e mafai e tagata ona maua se polokalama e ala i le (1) mauaina o fesoasoaniga tau leitio (RF), masini e tuu i taga lea e faaaogaina le polokalama faalogo i le falesa po o le fale faafiafia e malosi ai le leo i se mea faalogo, po o le (2) polokalama e fesoasoani i le faalogo (ALS) tautau i le ua lea e faasalalau tuusao ai i se T-coil-e mafai ona feaveai a se tagata e fesoasoani ai i le faalogo.

Ua faatonuina e le faaaliga “e tatau i uarota ma paranesi ona i ai le tele o mea e taliaina [RF] ma tautau i le ua [ALS]. Pe a manaomia, e mafai ona talosaga nisi masini e ala atu i le sui e vaaia meatotino o fale ma fanua a le siteki.”