Mau ’ā’amu nō roto i te pāpa’ira’a mo’a
’Ua ho’ohia ’o Iosepha i ’Aiphiti
Nō roto mai i te Genese 37-41.
11 tō Iosepha mau taea’e. ’Ua hōro’a tōna metua tāne nōna i te hō’e pereue nehenehe ’e tei rahi te ’ū. ’Ua parau te Atua ia Iosepha ē, e ’arata’i ’oia i tōna mau taea’e.
’Ua riri te mau taea’e pa’ari o Iosepha. ’Aita rātou i hina’aro ia Iosepha ’ei fa’atere nō rātou ! ’Ua ho’o rātou iāna i te mau ta’ata e tere ra i ’Aiphiti, ’e ’ua riro mai ’oia ’ei tītī.
’Ua rave ’itoito Iosepha i te ’ohipa. ’Ua rave ’oia i te mau mā’itira’a maita’i, noa atu ’ua ha’avāre te mau ta’ata nō ni’a iāna ’e ’ua tu’uhia ’oia i roto i te fare ’auri.
Noa atu te mau tau fifi, ’ua ti’aturi Iosepha i te Atua. ’E tei piha’i iho noa te Atua ia Iosepha. ’Ua riro mai ’o Iosepha e ti’a fa’atere i ’Aiphiti ! I tōna pa’arira’a, ’ua tauturu ’oia i te ’arata’i i tōna ’utuāfare, mai tā te Atua i parau e nā reira ’oia.
E nehenehe tā’u e ti’aturi i te Atua mai ia Iosepha. E nehenehe tā’u e mā’iti i te maita’i. Tei piha’i iho noa te Atua iā’u noa atu e aha tē tupu mai.