Te ’oa’oa : Hau atu i te hō’ē noa huru

I te fāito ’ōhie roa, te ’oa’oa o te fa’ateiteira’a poto noa nō tō tātou huru ferurira’a i te hō’ē fāito teitei a’e i tō tātou fāito ’aifaito mātauhia o tō tātou mau mana’o.¹ ’oia ho’i, te fāri’ira’a i te mana’o au maita’i

E rave rahi mau rāve’a nō te fa’atupu i te hō’ē fāito teitei o te mana’o—parau ha’utira’a ’e te hō’ē hoa, te ha’utira’a i te hō’ē ha’uti ’arearea, ’aore rā te ’amura’a i te tahi cheesecake—e’ita rā te reira huru au maita’ira’a e vai maoro mai. E mea pinepine tātou i te fa’aū atu i te ra tumu nō te ’oa’oa i te tahi atu tumu nā roto i te tāmatara’a i te haru fa’ahou mai i taua mana’o au maita’i. Tē vai ra rā ānei te hō’ē ’oa’oa o te vai maoro mai ?

’Ē—E mea hau atura i te maita’i i tā ’outou e mana’ora’a, nō reira ho’i tātou i nā piha’i iho noa ai. Tē parau nei tō te ao ē e ti’a i te hō’ē orara’a maita’i ’ia ’ī i te ’ohipa fa’ahiahia, ’e ’ia riro tō ’outou mau mahana ’ei tere fa’aea ’ore nā ni’a i te hō’ē poromu ’ōhie ’e tei ’ī i te ’arearea. Tē parau mau rā, ’aita ïa ’outou i tītauhia ’ia ’ana’anatae noa ’ia ora « ma te ’oa’oa »2 Nephi 5:27). Te ’oa’oa o tē vai maoro mai—tā tātou e nehenehe e pi’ite ’oa’oa mau—’ua hau atu ïa i te hō’ē mana’o hau ’e te tāmau nō te au maita’ira’a ’eiaha rā te hō’ē aumaita’ira’a o te tino. E ’ore te ’arearea ’e te ’oa’oa, te ’oa’oa mau rā e’ita ïa i te hō’ē noa huru nō te hō’ē taime poto—e vai maoro atu ā ra. Mai te mea ē te ’itera’a i te ’arearea o te fa’ateiteira’a ïa i tō ’outou mau mana’o i ni’a a’e i te ’aifaitora’a, te fa’atupura’a i te ’oa’oa mau mai te fa’ateiteira’a ïa i te fāito iho.²

E mana’o paha ’outou ’ē e tītau te ’oa’oa tāmau i te auhunera’a ’e te ti’amāra’a i te māuiui ’aore rā te mau tāmatara’a. ’Ua fa’a’ite mai rā te mau tītorotorora’a ē e’ita te mau huru maita’i o te orara’a e ha’apāpū mai i te ’oa’oa, ’e te mau huru ’ino o te orara’a e’ita ïa e fa’atupu mai i te ’oa’oa. Tera rā, i rotopū i te mau tumu ato’a o te fa’atupu i tō ’outou ’oa’oa, ’e riro rā tā ’outou mau mā’itira’a ’ei tumu rahi roa a’e i te fa’atupu i tō ’outou ’oa’oa. ³ ’Ua ha’api’i mai o Elder Ulisses Soares nō te Peresidenira’a o te Hitu ’Ahuru ē, « ’ua fa’ata’ahia te ’oao’a nā te mau peu, te mau huru, ’e te mau hōho’a tei mana’ohia o tā tātou e nenehene e fa’ahaere ti’a atu ma te ferurihia. Te ’oa’oa e ’ere noa ïa te huru au maita’i ’aore rā te hō’ē orara’a ’aore e pe’ape’a—o te hō’ē rā ferurira’a ’e te orara’a tā tātou e nehenehe e fa’atere. I te rahira’a o te taime e fa’ahuru-’ē-hia te mau fāito o te aumaita’ira’a nā tō tātou iho huru ’e tō tātou ’atu’atura’ahia, e tufa’a faufa’a rahi ato’a rā tā tātou iho mau mā’itira’a ’Ei ha’apotora’a, « te ’oa’oa o te hō’ē ïa mā’itira’a tā te ta’ata ’e nehenehe e rave ».⁴

Nō reira, nāhea mau ra tātou e « mā’iti ai » ’ia ’oa’oa ? E aha te tumu huna nō tō tātou ’oa’oa ? Mai tā Elder Soares i tātara, e tītau te ’oa’oa mau i te « hō’ē tūtavara’a tāmau nō te tahi mea hau atu i te faufa’a i roto i te orara’a ». Mai te reira ato’a, ’ua parau mai o Viktor Frankl, te hō’ē ta’ata tei ora mai i te Ha’apohera’a Rahi ’e e taote nō te ferurira’a, e te ’oa’oa « o te huru ïa o te itoito o te hō’ē ta’ata i roto i te hō’ē ’ē’a rahi a’e iāna iho ».⁵

’E e aha ïa te hō’ē ’ē’a rahi a’e i te ’ē’a tā te Atua i hōhora mai nō tātou ? I roto i tā tātou ’imira’a i te ’oa’oa, ’eiaha tātou e hi’o ātea atu i te ’ōpuara’a a te Metua i te Ao ra. Nō te reira tumu i pi’ihia ai te reira te « ’ōpuara’a nō te ’oa’oa » ! (Alama 42:8, 16). Tē fa’a’ite nei te mau pāpa’ira’a mo’a ē e ’afa’i mai te pe’era’a i te ’ōpuara’a a te Atua i te ’oa’oa (’a hi’o 2 Nephi 2:13Helamana 13:38). Noa atu e’ita te orara’a parau-ti’a e fa’aora ia tātou i te mau pe’ape’a ato’a, e tu’u rā te reira ia tātou i ni’a i te hō’ē ti’ara’a i reira e nehenehe maita’i a’e ai tātou ’ia ’ite i te ’oa’oa i roto i teie orara’a, ’e ’ia arata’i atu i tō tātou fa’ateiteira’a ’e te ’oa’oa mure ’ore i roto i te ao i mua.

Mai te fa’aro’o, e nehenehe te ’oa’oa e ha’aparuparuhia ’aore rā e ha’apūaihia, mai te au i tā tātou mau ’ohipa. Mai te mea e ha’amau’a tātou i tō tātou taime i te tāpapara’a i te ’oa’oa nō te hō’ē taime poto noa, e « ’āueue-noa-hia ïa tō tātou ’oa’oa i te mata’i ra » (Ephesia 4:14). ’Ia tūtava rā ’outou i te ora parau-ti’a, e fa’atupu ïa ’outou i te hō’ē mana’o pāpū nō te hau ’e te aumaita’ira’a o te nehenehe e arai i te mau vero ato’a. E ’ia tu’u ana’e ’outou i te fa’aro’o i mua i te ’ārearea, e nehenehe ïa ia ’outou ’ia ’ite i te ’oa’oa mau—te huru ’oa’oa e nehenehe noa e ’itehia ’e te « ta’ata tātarahapa mau ’e te tītau i te ’oa’oa mau ma te ha’eha’a » (Alama 27:18).