Baika a rine tarakiia n te ka 188 ni Maungatabu ni Kabuta n te Ririki
Te maungatabu aei e kakaongora ni bukina aika mwaiti, n raonaki ma manga katean kooram n te Nakoanibonga ae te Merekitereka ao moan waakinan te tai ae boou n ibuobuoki. Ma te bwai ae e korakora te kantaninga iai bon ara tai n tatabemaniira nako ni kamatoa Beretitenti Russell M. Nelson bwa ngaia te ka 17 ni Beretitenti n Ana Ekaretia Iesu Kristo ibukiia Aika Itiaki ni Boong Aika Kaitira.
Bootaki n Taromauri
Ngke ti tei ao ni kamatoa te burabeti ae boou ao te Beretitenti, ara kateibai a aki warekaki iroun te tia kawakin rongorongo; a koreaki mwiia i karawa bwa te berita ma te Atua.
Ni kabuta te mangatabu, ti noora te kakoaua bwa aio ana Ekaretia te Tia Kamaiu, ae kairaki Irouna rinanoia Ana toro. Ti kakoaua te nakoa ni burabeti ae maiu bwa e irekereke ma ngaira n tatabemaniira nako—n aki tei imarenara ma te Tia Kamaiu ma e tei irarikira ni kaota te kawai nakon te Tia Kamaiu. Ti taneiai ma te tai ni karekea “te kakoaua ae onoti bwa wetean Beretitenti Nelson bon mairoun te Atua” ao angkaan “maiura nakon te Uea Iesu Kristo [man] te kakaungo nakoia ake E kanakomaia” (taraa Unimwaane Neil L. Andersen n iteraniba 26).
-
Ko kona n reiakina riki ae mwaiti n rongorongon Beretitenti Nelson n te iteraniba 16-te raka n iteraniba ae onoti n raonaki ma Meei 2018 Ensign ao te Riaona.
Kamatoakiia Taan Kairiiri aika Boou
N reitaki ma kamatoaakin Beretitenti Nelson, ti kamatoaia te mwaiti ae riaon riki 70 taan kairiiri aika boou.
-
Kakaei rinanin araia naake a kamatoaaki, n raoanki ma Itingaun n Aono aika boou, n iteraniba 6–8, 28–29.
-
Wareka rongorongoia ae kimototo taan kairiiri aika boou ane moanaki n iteraniba 121.
Bitaki nakon Kooram ao Mwakuri n Ibuobuoki
E ngae ngke e tararuaaki irouia burabeti, taian bitaki a katanoataaki n tain te maungatabu “bon taian katoto ibukin te kaotioti [mairoun te Atua] are e kaira te Ekaretia aei man te moan,” e taku Unimwaane Jeffrey R. Holland (taraa iteraniba 101).
-
Wareki kaetieti aikai iaon manga katean taian kooram mairoun Beretitenti Nelson, Unimwaane D. Todd Christofferson, ao Unimwaane Ronald A. Rasband, ae moanaki man iteraniba 54.
-
Wareki kaetieti iaon te mwakuri n ibuobuoki mairoun Beretitenti Nelson, Unimwaane Holland, ao Titita Jean B. Bingham, e moanaki man iteraniba 100.
-
Kakaei riki rongorongo ibukin bitaki aikai ao bwaai n ibuobuoki ibukin kaetieti n te tiekition ae boou n iteraniba 132–33.
Rakan riki Tembora
N karin “ara rongorongo nakon te aonaaba” bwa “ti kaoia ni kabane natin te Atua n iteranrabuna aika uoua bwa a na nakon aia Tia Kamaiu, ni karekei kakabwaia n te tembora ae tabu, ni karekea te kimwareirei ae teimatoa, ao n tau ibukin te maiu ae akea tokina,” E katanoatai itiua tembora aika boou Beretitenti Nelson.
-
Kakaea bwa a tei iaara itiua tembora aika boou, n iteraniba 133.