Unimwaane Terence M. Vinson

Unimwaane Terence M. Vinson e kakoaua bwa e aki raroa nako mairoura te Uea. “E kaan irarikira n tainako, riki n taabo aika tabu ao n taai aika e kainnanoaki iai,” e kakoaua n te maungatabu ni kabuta Okitobwa 2013. “N tabetai, ngkana I aki kantaningaia, I namakinna ae kanga e kotekotea angau n tuangai bwa E tangirai.”

N te taina, ngke Unimwaane Vinson e nakonako ma Unimwaane Jeffrey R. Holland man te Kooram n Abotoro ake Tengaun ma Uoman, Unimwaane Holland e katoka baina iaon angan Unimwaane Vinson ao n tuanga ae e tangiria. E taku Unimwaane Vinson, “I kakoaua bwa ngkana e reke ara tai n nakonako ma te Tia Kamaiu, ane ti na namakina Baina ni katoka iaon angara n te kawai naba anne.”

Unimwaane Vinson, e katabuaki bwa kain te Beretitentii n te Itingaun ni Maati 31, 2018, e taekinna bwa ana tangira te Atua “bon te namakin ae moan te kakukurei.”

Unimwaane Vinson, ae na taua nakoana ae boou n Aokati 1, 2018, e katabuaki bwa te Mataniwi ni Kabuta n te Itingaun n te Ekaretia n Eberi 6, 2013. N te tai, are e beku bwa kaain te Kawaniua ni Kooram n te Itingaun n Aonon te Betebeke. E beku ngkai bwa te Beretitenti n Aonon Aberika Maeao.

Unimwaane Vinson e karekea ana baetira tikurii n te numera ao te statistics, te diploma n te reirei ao n te anga reirei, ao te mwatita tikurii n te mwane. E a tia ana mwakuri n irekereke ma te angareirei, te kataneiai, ao te angareirei n taian iuniwetiri. E a tia ni mwakuri riki bwa te aetuwaitia n te mwane ao te manatia n te mwane.

Ngkai e ukoukora te Ekaretia ngkai te kairake n ikawai, Unimwaane Vinson e karekea nanona ae korakora n tamnei. E namakinna raoi ae e riai ni kaina te Ekaretia bwa e aonga ni wakinako ao ni kakaai kaeka nakon nikiran titiraki. E bwabetitoaki ao ni kamatoaki n te wiiki are imwina.

Mai ikanne ni karokoa ngkai, “I ataia bwa e kantaingaai te Uea bwa n na karaoia ao ni kunea ae au titiraki ni kabane iai kaekaaia.”

Man te tai are e bwabetitoaki iai n te 1974, e a tia Unimwaane Vinson ni beku bwa te kauntira n te bitiobiriki, bitiobi, te kauntira ae rietaata, te kauntira n te beretitentii n te titeiki, te tia tei ibukin te aba, te kauntira n te beretitentii n te mition, te tia mwakuri n te otenanti n te tembora, ao te Itingaun n te Aono.

E bungiaki i Sydney, Australia, n Maati 12, 1951. E mare ma Kay Anne Carden n Meei 1974. Ngaia kaaro ibukiia ataei aika onoman.