Unimwaane Gerrit W. Gong

“N Tabatin Te Itita aio, I aneneia ma te kukurei, ‘Alleluia,’” Unimwaane Gerrit W. Gong e taekinna n ana moan maroro n te maungatabu ni kabuta bwa te membwa n te Kooram n Abotoro n te Tengaun ma Uoman. “Kunan manga utin ara Tia Kamaiu e kaota te tangira are bukamaruaki n te rau n te berita ae tabu … ao Ana Mwakuri ni Kamaiu Iesu Kristo.”

Unimwaane Gong e a tia ni kabanea ana tai ni kiimwareirei inanon te rau anne. E ataia bwa ni mwaakan ara berita, n raonaki ma ana Mwakuri ni Kamaiu te Tia Kamaiu, e “anganiira te konabwai ao te karineaki” nakoira. “Ni kabane, e kanakoraoa, e kawakin, e katabui, [ao] e anganiira te kamaiuaki,” e taku.

N te mare n te tembora n te bong teuana, mwaakan te berita, n raonaki ma te Mwakuri ni Kamaiu, a kaotaki n ana tirotaam te tembora. E iangoia te roro inanon ana utu ni kauarereena ni karokoa akea tokina, mai irouia ana koraki ake e kinaia, te Moan Dragon Gong, are e bungiaki imwiin Maten Kristo AD 837, rinanon 36 te roro ni karokoa irouia tibuna aika uarereke ao imwiina e reitinako ni kawai aika uoua.

“I a ataia bwa kainnabau ao ngai bon kaaro irouia natira, ao tibu ngaira irouia tibura aika uarereke,” e taku. “Maiu n rabwata bon te reirei ae korakora are e titiku inanou ngkai ti reiakinna ao n angareirei iaon tibwanga ae akea tokii, n ikotaki ma nati ao karo, kaaro ao nati.”

Unimwaane Gong e a tia ni beku bwa te Mataniwi ni Kabuta n te Itingaun man Eberi 2010 ao te membwa n te Beretitientii n te Itingaun man Okitobwa 2015. E kamatoaki bwa te membwa n te Kooram n Abotoro n te Tengaun ma Uoman ni Maati 31, 2018, are e kabwarabwara bwa te “wewete ae tabu mairoun te Uea are e kabua ikeu.”

Man 2011 nakon 2015, Unimwaane Gong e beku bwa membwa man te Berentitentii man Aonon Atia, ni kabanea te beku anne bwa te Beretitenti n te Aono. E a tia ni beku bwa te mitinare ae bwanin ana tai i Taiwan Taipei Mition, kauntira ae rietata, mataniwi n te kurubu irouia ibonga aika rietata, beretitenti n te titeiki n te Reirei n Tabati, tia reirei n te Tieminarii, bitiobi, beretitenti n te mition man te titeiki, ao te Itingaun te Aono.

Unimwaane Gong e karekea ana tikurii n te baetura n te arts iaon Kamatebwaian Atia ao n ana Kamatebwai n te Iuniwetirii man te Brigham Young University inanon 1977. N 1979 e karekea ana mwatita n te philosophy degree ao n 1981 te doctorate n international relations fman Oxford University, are e reke irouna te tikaoratibu ae rianako arona. N 1985 e beku bwa te tia ibuobuoki ae onoti nakon te tia koroboki n te titeiki n Ana Tabo ni Mwakuri te U.S. State ao inanon 1987 e riki bwa te tia ibuobuoki ae onoti nakon te U.S. te embatita mai Beijing, China. Ni moa man 1989, e beku n nakoa tabeua n te Tienta ibukin Tiratitiki ao International Studies i Washington, D.C. E riki bwa te tia ibuobuoki nakon te beretitenti ibukin bairean ao taraakin ana waaki te Brigham Young University ni karokoa Eberi 2010.

Tibun Unimwaane Gong a mwananga mai Tiaina nakon te United States. Unimwaane Gong e bungiaki n te kaawa ae Redwood, California, USA, n 1953. E mare ma Susan Lindsay n Tianuare 1980, ao a riki bwa te karo irouia natiia aika aman ao tibuia aika teniman.

“Bwaai ni kabane ake a itiaki ao n akea tokia e boboto iaon maiun ni koaua te Atua,Tamara ae akea Tokina ae tangirira, ao Natina, Iesu Kristo, ao Ana Mwakuri ni kamaiu, a kakoauaki iroun te Tamnei ae Raoiroi,” e taekina aei Unimwaane Gong n te maungatabu. “I nanorinano man kakoaua ao n anga au koaua iroun Kristo ae maiu—Ngaia [bon] … ma ngaira mai moana, E na bon raonira ni karokoa te toki.”