Unimwaane Mathias Held

Unimwaane Mathias Held ao kainnabana, Irene, a weteaki n te aro ae tau bwa a na riki bwa aomata aika onoti n te Ekaretia ae kabuta. Ngaia ni kauoman bon kaain Columbia ao Tiaman mairouia aia bakatibu. A kairaki nako ibukin te mwakuri ao te reirei man mweengaia i Amerka Maiaki nako Canada, Tiaman, Guatemala, Brazil, ao, n te kabanea, a oki nako Columbia. Ni katoa aaba, a taneiai ma taetae aika boou ma taian katei.

“Ma bon ti te arona te Ekaretia n te tabo are ti nako iai,” e taku Unimwaane Held, are e kamatoaki bwa te Mataniwi ni Kabuta n te Itingaun ni Maati 31, 2018.

Te tamnei “ae ti te arona” e kamatoaia te taanga ngke a kaiwaiarake natiia ao n rikirake n te euangkerio.

Te taanga ae Helds bon raao inanon aia tai n reirei n reirein te Taetae n Tiaman. A kabaeaki n Tuun 13, 1989, i Frankfurt Tiaman Tembora, imwiin reken ana tikuri Mathias iaon te mwakaenikoo intinia i Bogotá ao ana mwaatita tikuri ibukin tararuan te bitineti i Canada.

Kakabwaia n te mwakuri a kairiia taanga n ataei nako Hanover, Tiaman, ike e karekea iai te namakin ae korakora Titita Held bwa a nang bitaki maiuia.

“I tuanga Mathias iai au namakin bwa ti na karekea te rongorongo mai i karawa,” e taku. Te rongorongo anne mai i karawa e roko n te bwakantaai ae kakarau ma te karebwerebwe iaon te mataroa mai i moa. Aika a tei itinaniku bon mitinaren te Moomon aika taetae n Tiaman ma te ee n Amerika.

Ibukin 10 te namwakaina imwiina, te taanga ae Held a kamatebwai ma mitinare ao ni karekeia raoraoia irouia kaain te taromauri aika kaain te LDS. Imwiin tataro ae mwaiti, a karekea te kamatoa n te tamnei ni koauan te euangkerio ao a bwabetitoaki n te 1988.

Unimwaane Held e mwakuri ae riaon 25 te ririki iroun Daimez Benz n ana kambwana ni karaobwai n ana mwakuri ae te tia tararua are e kakaneweabaa ni katobibia te aonaaba. Te taanga ae Held a katan iaan te Uea ni katoai taabo ake a na toki iai.

“E aki kakawaki baikara kaangaanga ake ko rinanona,” e taku. “Ngkana ko rereitaki ma karawa, a na akea am kaangaanga.”

E bungiaki n Tuun 5, 1960, tirouia Michael ao Elisabeth Held, e mwakuri Unimwaane Held bwa te kauntira n te beretitentii n te titeiki, te kauntira n te bitiobiriki, ao te Itingaun n Aonon South America Northwest.