Faasino Upu o Tala o le Konafesi

O le lisi lea o aafiaga na filifilia mai saunoaga o le konafesi aoao, e mafai ona faaaoga i suesuega a le tagata lava ia, afiafi faaleaiga, ma isi aoaoga. O le numera o loo faasino i le itulau muamua o le lauga.

Neil L. Andersen(34) O se alii e tosina atu i le itupa e tasi ua tumau faamaoni i ana feagaiga. O se fafine e le’i faaipoipo na taulai atu i le auauna atu.

D. Todd Christofferson(81) Ua faaalia e le autalavou i Italia ia Peresitene Russell M. Nelson kata o le malumalu ua saunia mo o latou augatuaa.

Carl B. Cook(51) O se “Vaega o le Auuso” o e na faamalosia ma fesoasoani e liua mai le tasi ma le isi i Botswana ua faamanuiaina le anoanoai o olaga e ala i le auaunaga faafaifeautalai. Ua potopoto faatasi korama a le Perisitua ma faamanuia Carl B. Cook talavou.

Quentin L. Cook(76) O se valaaulia mai ia Peresitene Gordon B. Hinckley ua fesoasoani e taitai atu le tamā o Elder O. Vincent Haleck i le papatisoga.

Becky Craven(9) Ua faitio se molimau e lei taumafai le enisinia nofoaafi e liliu le nofoaafi a o lei taia se taavale na mau i luga o le auala o le [nofoaafi].

Sharon Eubank(73) E le’i ola moli o le po i fafo o le Malumalu o Sate Leki. Ua tuuina atu e se miti ia Sharon Eubank le manao e faateleina lona faatuatua.

Gerrit W. Gong(97) Ina ua mavae le lagonaina o le agaalofa mo se tagata gaoi, ua amata ona malamalama se uo a Gerrit W. Gong ia Iesu Keriso ma Lana Togiola.

Brook P. Hales(11) Ua iloa e atalii e toalua a Brook P. Hales e silafia e le Atua le faaiuga mai le amataga i le tali mai i tatalo. “E mavae atu foi lenei mea” na avea ma mautauave o se fafine faatuatua o le na taliaina lona tauaso.

Mathias Held(31) Ua auai Mathias ma Irene Held i le Ekalesia i le mavae ai ona iloatino le upumoni e ala i le suesue ma le Agaga.

David P. Homer(41) A o avea ai ma se pasese i luga o se vaalele laitiiti, ua aoao e David P. Homer le taua o le faalogo i le leo sa’o. Ua aoao e David P. Homer ma lona toalua e mafai ona telegese le oo mai o tali i tatalo. Ua tumau le uso o David P. Homer e oo i iuga e ui i faigata.

Kyle S. McKay(105) Ua faamafanafanaina ma lagolagoina se fafine o loo tauivi ma le vaisu o fualaau faasaina ma se tina e ona le atalii na maliu i se faalavelave e le Laveai Sili.

Russell M. Nelson(67) Ua tauva se tina ma lana fanau teine ma taaloga mo le gauaiga o alii i le latou aiga.

(88) Ua talanoa Russell M. Nelson ma lona afafine o Wendy “i mea e sili ona taua” i le taimi o le la “talanoaga faatofa o se tamā ma se afafine.” Ua mafaufau se leoleo na fesoasoani i tagata e sosola ese mai se afi mu saesae, “O fea lo’u aiga?” Ua teena e se uo a Russell M. Nelson le faia o suiga e agavaa ai mo faamanuiaga o le talalelei.

Dallin H. Oaks(60) O tagata aooga o loo matamata i se taifau o loo tolotolo atu i se squirrel na leai ma se tasi na fesili, “O fea o le a tau i ai lenei mea?” O se tietiega lima po ma le lima ao a se ulugalii Kolomupia ina ia faaipoipo i le malumalu ua suia ai le auala la te lagona ai e uiga i le faaipoipoga o le malumalu ma le talalelei.

Dale G. Renlund(70) Ua fesoasoani le “uluai tatalo uiga ese” i se tagata e le toaga e lagona se uunaiga i le lotu “o Lo’u maota lenei.”

Ulisses Soares(6) Ua totoina e se tina nofotoatasi i loto o lana fanau ia faamanuiaga o le talalelei.

Gary E. Stevenson(47) I le avea ai o se ositaulaga i le aoga maualuga, na teena ai e se Aposetolo o le lumanai le matamata i se ata tifaga e le talafeagai, ma tuuina atu le lototele i se uo.

Juan Pablo Villar(95) I le mavae ai o le faaaluina o se aso e talai ai ma lona uso faifeautalai, ua tonu ai ia Juan Pablo Villar ina ia papatiso ma auauna atu i se misiona.

Takashi Wada(38) Ua auai le tina o Takashi Wada i le Ekalesia i le mavae ai ona pa’i atu le Alii i lona loto e ala i se galuega agalelei a se tamaitiiti.

W. Christopher Waddell(19) Faafetai i taumafaiga o le auaunaga mai i aiga ma uo, ua toe opomauina ai e le uso o W. Christopher Waddell le talalelei i se taimi puupuu ao lei maliu o ia.