Elder John A. McCune
Fitugafulu o le Pulega Aoao
I le amataga o lana matata faapisinisi, sa faia ai e Elder John A. McCune se talanoaga ma lana pule lea na vave lava ona manino mai e le tele se silafia o le tamaloa e uiga i Le Ekalesia a Iesu Keriso o le Au Paia o Aso e Gata Ai. Sa fesili atu lana pule ia Elder McCune pe aisea e le sisiva ai ma ‘ai kuki tagata o le Au Paia o Aso e Gata Ai.
“”E manino lava ou te ‘ai kuki,” na tau atu e Elder McCune i lana pule ma se ataata, ma milimili lona manava. “Ou te manatu ua e fenumiaia i matou ma se isi tagata.”
Ao la talanoa, sa faamaonia atu e Elder McCune lenei manatu sese e uiga i le Ekalesia. O lena talanoaga sa taitai atu ai isi talanoaga e uiga i le talalelei a Iesu Keriso ma toe faamautu atu ai mo Elder McCune le taua o le saunia i taimi uma e faasoa atu le talalelei.
“O i tatou o soo o le Faaola o Iesu Keriso,, po o fea lava tatou te i ai, i soo se nofoaga, i soo se avanoa,” na saunoa ai Elder McCune. “Ua tofu i tatou ma galuega ma matata, peitai ua i ai iina e lagolago ai o tatou aiga ma tuu i tatou i tulaga e faasoa atu ai le talalelei. O lo tatou tiutetauave autu lena o ni soo o Iesu Keriso.”
Sa soifua mai John Allen McCune i Santa Cruz, Kalefonia, ISA, i le aso 20 Iuni, 1963, ia Clifford ma Joan Schulthies McCune. Na soifua muamua lava o ia i Nyssa, Oregon, ISA.
Ina ua maea lana misiona i Fukuoka, Iapani, sa faaipoipo atu Elder McCune ia Debbra Ellen Kingsbury i le Malumalu o Sate Leki i le 1984. O i laua o ni matua o se fanau e toafa ma o loo alala ma papaaao i Midway, Iuta, ISA.
Ua maua e Elder McCune se faailoga o le tagata malaga faasaienisi i mea tautupe mai le Iunivesite o Polika Iaga ma se faailoga o le matuaofaiva i pulega o mea tau faapisinisi i mea tautupe mai le Iunivesite o Kalefonia, Los Angeles (UCLA). Sa galue o ia o se sui peresitene sinia ma pule faatonusili mo le Capital Investment Advisors mai le 1997 i le 2012. Ona ia auauna atu lea o se peresitene o le Misiona a Iuta Provo ao lei avea ma sooupu o foai mo meaalofa autu a le LDS Philanthropies.
Sa auauna atu Elder McCune o se Fitugafulu Eria i le timi o lona valaauga fou. Sa auauna atu foi o ia o se peresitene o se siteki, epikopo, fesoasoani i se au epikopo ma i se au peresitene o se paranesi, ma se peresitene o le korama a toeaina.