E fa’atano te ha’api’ira’a séminaire i ni’a i te Mai, pe’e mai

I te mau mahana i muri nei, e fa’atano te ha’api’ira’a séminaire ’ati a’e i te ao nei i ni’a i te fa’anahora’a Mai, pe’e mai ’e tō te reira tārena, e tauira’a tē tūra’i atu ā i te tuatāpapara’a ’evanelia fa’atumuhia i ni’a i te ’utuāfare, turuhia e te ’Ēkālesia, nā roto i te tāhō’ēra’a te tuatāpapara’a i te fare ’e te Ha’api’ira’a Sābati ’e te séminaire.

Ha’amata i te matahiti 2020, e tuatāpapa te mau piha séminaire i te hō’ē ā buka pāpa’ira’a mo’a tei fa’a’ohipahia nō te fa’anahora’a Mai, pe’e mai nō te matahiti tāta’itahi. E’ita fa’ahou te séminaire e pe’e i te tārena fare ha’api’ira’a, e pe’e rā te tuatāpapara’a séminaire i te tārena matahiti.

E fa’atumu-noa-hia te ha’api’ira’a séminaire i ni’a i te mau pāpa’ira’a mo’a, e fa’atumu-rahi-hia rā te fa’anahora’a i ni’a i te ha’api’ira’a tumu ’e e ha’apūai te reira, e pāruru ’e e fa’aineine ho’i i te feiā ’āpī nō te misiōni, te fa’aipoipora’a ’e te tāvinira’a i roto i te ’Ēkālesia.