Steven J. Lund

Na Peresitedi Raraba vou ni Cauravou, e sa ciqoma o Steven J. Lund e dua na itavi vakalou me vukea na nodra dusimaki na drau na udolu na cauravou yabaki vaka–Matabete i Eroni ena dua na Lotu ni vuravura raraba.

Kevaka e rawa me sota vata kei ira vakayadua sara, e kila vinaka sara tu ga o koya na ka ena kaya: “Na nona yaco e dua me lewe ni matanitu ni Kalou qaqa e sega ni verevereya. E lomani iko na Tamada Vakalomalagi. E gadrevi ga mo lomani Koya lesu. Ia kevaka eda na vakayacora oqori, eda sa na qai maroroi ka bula marau. … Na noda bula e sa na vakaibalebale.”

Na tauri vakabibi ni Lotu e sega ni yaco duadua ga ena Sigatabu. E sa madigi ni veisiga, me vaka e vakaraitaka na loya eliu qai vuki me vakailesilesi liu vakabisinisi.

“Wilika na ivolanikalou, dau lako ki lotu, veivutuni totolo ni da lakosese, dolava na gusuda, ka ivakaraitaki vinaka ni kosipeli—oqori na ituvatuva nei Tamada Vakalomalagi,” a kaya o koya.

A sucu o Brother Lund e nai ka 30 ni Okotova, 1953, vei Jay kei Toy Ellen Lund ka tubu cake ena Vualiku kei Kalifonia (Santa Rosa) kei na Ceva kei Kalifonia (Long Beach), e Amerika. Na nona veiqaravi ena Mataivalu ni Amerika a kauti koya lesu ki Iurope, e dua na vanua a yaco me taleitaka o koya ena gauna ni nona veiqaravi ena Tabana ni Kaulotu e Netherlands Amsterdam.

Ni oti na nona curu ena mataivalu, e a laki vuli sara ena Brigham Young Univesiti, ka a sotavi Kalleen Kirk tale kina, e dua na goneyalewa erau a veikilai kaya ni a se tiko mai Jamani. Erau a qai mani vakamau o Steven kei Kalleen ena Valetabu e Salt Lake City e nai ka 8 ni Okosita, 1980. Erau sa nodra itubutubu e lewe va na gone.

Ni oti na nona rawata e dua na koroi ni lawa mai BYU, a cakacaka o Baraca Lund vaka dua na loya ni bera ni qai yaco me peresitedi ka CEO ni Nu Skin Enterprises. Ena gauna oqo o koya e jeameni vakatulewa tiko ni matabose ni dairekita ni kabani. O koya e dua talega na vakailesilesi liu ni Utah System of Higher Education.

Sa veiqaravi oti o Brother Lund vaka peresitedi ni Tabana ni Kaulotu e Georgia Atlanta ka vaka kodineita ni Komiti ni Vakatabui ni Valetabu na Provo City Center. A sa veiqaravi talega vakalewe ni matabose raraba ni Cauravou ka vaka dua na Vitusagavulu ni iWasewase.