Ania Dinhi ang Simbahan
Lungsod sa Oakland, Pennsylvania, USA
Kini nga panimalay sa Dapit sa Pagpahiuli sa Pagkapari maoy usa ka pagtukod og usab sa panimalay ni Joseph ug Emma sa Harmony, nga karon nailhan nga Lungsod sa Oakland.
10
Mga ward ug mga branch, lakip sa Susquehanna Branch, diha sa Scranton Pennsylvania Stake.
160
Mga milya (260 km) gikan sa Dapit sa Pagpahiuli sa Pagkapari ngadto sa Templo sa Palmyra New York.
15
Mga pagpadayag nga nadawat diha sa Harmony, Pennsylvania, nga gilakip diha sa Doktrina ug mga Pakigsaad.
70
Gibana-bana nga porsyento sa Basahon ni Mormon nga nahubad diha sa panimalay ni Joseph ug Emma.
1804
Si Emma Hale (sa wala madugay nakigminyo kang Joseph Smith) natawo didto sa Harmony.
1829
Si Juan Bautista mitugyan sa Aaronic nga Pagkapari ngadto ni Joseph Smith ug Oliver Cowdery. Wala madugay, si Pedro, Santiago, ug Juan mitugyan diha kanila sa Melchizedek nga Pagkapari.
1960
Ang monumento nga nagpasidungog sa pagpahiuli sa priesthood gibutang diha sa dapit.
2015
Si Presidente Russell M. Nelson mipahinungod sa Dapit sa Pagpahiuli sa Pagkapari.