Kabatan-onan
Gilitratohan ni Leslie Nilsson
Fofoa V., (wala) edad 18
Etuale V., (tuo) edad 16, Savali, Samoa
Sa among pamilya, ang tanan motabang.
Fofoa: Ang among pamilya nagtuo sa magkauban nga pagtrabaho. Ang akong igsoong lalaki nga si Etuale ug ako manguha og pangsugnod nga kahoy alang sa pagluto. Motabang usab kami sa paghimo og pagkaon nga ibaligya. Nakahinumdom ko og usa ka higayon dihang ang among pamilya wala mokita og igong kwarta aron ikabayad sa mahal nga bayranan sa tubig, busa mihimo kami sa among bahin sa pagtabang. Ang akong igsoong babaye namaligya og barbecue. Si Etuale ug ako nanguha og mga lubi ug ubang pagkaon ug dayon mitabang sa pagbaligya sa pagkaon aron makatigom og kwarta. Pinaagi sa pagtrabaho og maayo isip pamilya ug sa pagsalig sa Dios, nahimo namo nga mabalik ang agas sa tubig.
Etuale: Ang Dios mitabang kanako sa tanan sa akong kinabuhi. Mihatag Siya kanako og kalig-on ug mipanalangin kanako sa matag adlaw. Ganahan ko nga mopuyo sa Samoa. Malinawon kaayo dinhi. Ang akong labing dako nga damgo mao ang pagserbisyo og full-time nga misyon! Gusto nakong ihalad ang akong duha ka tuig ngadto sa Dios.