Tamnei

Adriana hugging a friend

Rawetamnei iroun Raul Sandoval

Iaon riki bwaai ni kabane, I tatangiria ni kuuka. I karaoi kabuki man te buraawa, kekemwangko, kukii aika uarereke, irikomaiu ao te raiti—bwaai nako, I bon karaoi! I tatangiria naba n angareirei n te kiraati. I tangiria ngkana I kaoaki bwa N na reirei n aia kiraati Kairake n Ataeinnaine.

I roko n te IKK maungatabu ibukina bwa iai au titiraki ae I tangira kaekaana. E reke au tikaoratibu n nako n reirei n te kaoreti, ma I namakinna bwa I riai n nako ni mitinare. Ngkana I nako, N na kabua au tikaoratibu. Ma ngkana I tiku ao n riki bwa te tia reirei, I kona ni mwakuri ao ni kabooa reireiu n te tai ae tii teuana. N tain IKK, temanna te titita e taekina ana kakabwaia mairoun te tamanuea. I katauraoi ni karekea au kakabwaia mairoun te tamanuea ngkai, ao I kantaningaia bwa ngkana I karekea, N na ataa riki ae tamaroa are e a tia ni baireia Tamau are i Karawa ibukiu. I tangira aia burokuraem te roronrikirake ao te IKK ibukina bwa a kakorakoraia te roronrikirake. Ibukina bwa te koaua, ti bane ni kainnanoa te rau.

Tabeua te tai imwiin bwabetitoakiu, e toki nakou n taromauri, imwiina I a manga nako tabeua te tai, imwiina e a manga toki naba. Ma kaain au uoote a kawarai ao a manga kaoai bwa N na oki. A tuangai bwa te Ekaretia ao kaaina a kan noorai ao a kainnanoai. I a baireia bwa N na oki, ao I a kakaonimaki riki imwiin anne. I a ataia bwa I rangi ni kainnanoa te Ekaretia. I kona n tataro nakon Tamau are i Karawa, ao I kona n namakina te Tamnei. Ngaia are aio ngai!

Adriana T. (kabane n te maing), ririki 17, Dominican Republic