Տեղական նորություններ
Եկեղեցին նվիրատվություն կատարեց Ստարա Զագորայի հիվանդանոցներից մեկին
Հիսուս Քրիստոսի Վերջին Օրերի Սրբերի Եկեղեցին նվիրատվություն է կատարել Ստարա Զագորայի պրոֆ. Դոկտոր Ստոյան Կիրկովիչի անվան հիվանդանոցի արյունաբանական բաժանմունքին: Մանրադիտակ, ԷԿԳ սարք, հիվանդի մոնիտոր, ինֆուզիոն պոմպեր, արյան ճնշման մոնիտորներ, թվային ջերմաչափեր, արյան փոխներարկման աթոռներ, սարքավորումների տեղափոխման սեղան, 6 մահճակալ, ներքնակներ, անկողնային պարագաներ և հիվանդների համար պահարաններ են նվիրաբերվել բաժնմունքի կարիքների համար:
Մարդասիրական ծրագրի փակման արարողությունը տեղի է ունեցել 2019 թ.-ի օգոստոսի 13-ին։ Եկեղեցին ներկայացնում էին երեց և քույր Բրինկերհոֆները՝ այդ երկրի մարդասիրական օգնության զույգը, Ստարա Զագորա ճյուղի նախագահ Սեյցը և նրա կինը՝ քույրը Սեյցը, քույր Դիյլանա Պեյկովան, ով Բուլղարիա / Կենտրոնական-Եվրասիական միսիայի հասարակական կապերի հանձնախմբի անդամ է, և եղբայր Ստոյան Ռուսևը՝ Ստարա Զագորա ճյուղից: 2018 թվականի նոյեմբերին եղբայր Ռուսևը մարդասիրական օգնության զույգին տեղեկություններ հաղորդեց հիվանդանոցի կարիքների մասին։
Հիվանդանոցի ներկայացուցիչներն էին դոկտոր Ժիվկո Ժելյազկովը, հիվանդանոցի փոխտնօրենը, ավագ բուժքույր Տանյա Ռադևկան, Արյունաբանական բաժանմունքի վարիչ դոկտոր Մարիա Տոդորովան, դոկտոր Մարիա Ժուկովան, դոկտոր Վեսկա Իվանովան, Արյունաբանական բաժանմունքի ավագ բուժքույր Ռոզիցա Բակոևան, քույրեր՝ Մարգարիտա Պետրովան և Ելենա Դոբրևան։
Դոկտոր Ժելյազկովը շնորհակալագիր հանձնեց Եկեղեցու ներկայացուցիչներին։