Dāpij Al ilo Ioļapļap in Kabun̄jar
Al eto an baj wōt—im enaaj baj wōt—pād ilo ioļapļap in iien kabun̄jar, ilo m̧ōn jar eo im ilo m̧weo.
Ejjab lōn̄ wiik ko ālikin an Kabun̄ in kar jutak, Irooj ekar kipel Em̧m̧a Smith n̄an “kōm̧m̧ane juon kāālet in al in kabun̄ jar ko, … eo em̧m̧an n̄an Eō, n̄an kōjerbali ilo kabun̄ eo Aō” (Katak im Bujen Ko 25:11). Rikwojarjar ro rekar aikuj wāween ko n̄an ekkatak katak ko rem̧ool an gospel im rekāāl im n̄an kuk ippān doon ilo nebar Anij. Im al in jar ko rej aikuj ped ilo ioļapļap in aer jar im ekkatak.
Iiō ko remootļo̧k, ke baam̧le eo aō rekar kobatok ilo Kabun̄ in, jinō im jema rekar kipel kōm n̄an ekkatak al ko an tōmak eo amim ekāāl. Ewōr aō jet emeemejļo̧kjeņ ko relukkuun alikkar kōn iien eo:
-
Kakkilōklōke “Prayer Is the Soul’s Sincere Desire” (Hymns, no. 145) ippān baam̧le eo aō .
-
Ron̄jake “O Jema” (Hymns, no. 292) im katak bwe ewōr juon Jemedwōj Ilan̄ im Jinō ro imaron̄ naaj lo er juon raan.
-
En̄jake iakwe eo an Anij ilo aō al “My Heavenly Father Loves Me” (Children’s Songbook, 228–29)—men̄e ij jokwe ilo juon āne jem̧aden im ijjan̄in kar lo juon wōjke lilac!
Kōm̧ōkajm̧aanļo̧k n̄an juon kweilo̧k in kwojkwoj ilo Pāpode 2020. Elōn̄ membōr ro ilo ward eo amim rekar en̄taan kōn nan̄inmej in kāānjōr, im ikar en̄jake kaeņōm̧m̧an ke kuwaer eo an ward eo ekar al “Bedbed Eo E Bin” (Al in Ajri, nō. 5). Jejjo wiik tokālik, lōn̄in wōt men ko rekam̧ōjņo̧ņo̧ rekar itok: quarantine ko, kabbōjrak in iien jar ko, im lōn̄in wōt m̧akūtkūt ko an laļ. Im bwe al eo ekar bar jino an jan̄ ilo kōļmenļo̧kjeņ eo aō:
Jab mijak, Ij pād ippāmi. Inaaj pād wōt ilo aō jipan̄ kōm̧.
N̄a ami Anij im Inaj kōkajoorļo̧k kom.
Inaaj kōkajoorļo̧k kom̧, Inaaj kōkajoorļo̧k kom̧,
Inaaj kōkajoorļo̧k im kajutak kom̧.
Jet iien āinwōt idajon̄jon̄ ko an mejatoto im an juon armej eddōkļo̧k eitōn aolep raan. Eļapļo̧k jān m̧okta, jej aikuji jipan̄ eo ilo jetōb eo an al ko rekwojarjar, al ko an Būraimere, im al ko rekwojarjar jet.
Ejjeļo̧k Oktak ilo Un ak Aorōk in
Ijoke, ilo ad oktak n̄an jikejuuļ in ruo awa in kweilo̧k ko an Kabun̄ in, jet rej ļōmņak eļan̄n̄e em̧ōj an jakoļo̧k jerbal eo an al ilo iien kabun̄jar ko ad. Uwaak eo ej jaab.
-
Al ko rekwojarjar rej m̧ōttan wōt aolep kweilo̧k in kwojkwoj, ekoba jipan̄ n̄an kōpooj būruōd n̄an kain̄i ko an kwojkwoj ko. Kuwaer im rijar ro rej al im al ko jet rekwojarjar maron̄ kōm̧m̧an wōt karōk n̄an kōkm̧anm̧anļo̧k iien kweilo̧k eo, āinwōt kar bar m̧okta. Ilo iien nan̄inmej in COVID-19 ejjelōt aolepān laļ in, al ko rekwojarjar rekar baj wōt juon m̧ōttan eo aorōk ilo kweilo̧k ko in kwojkwoj rekadu, men̄e ej kein kōjan̄jan̄ wōt men eo ej jo̧.
-
Ajri ro nejid rej kiiō joļo̧k jimetta in iien ko aer ilo Būraimere ekkatak gospel eo kōn al.
-
Ilo awa eo kein karuo, ejjeļo̧k al in kōppeļo̧k im ikkilōk n̄an kūlaaj ko an rūtto im jodikdik ro. Bōtaab maron̄ kōjerbal al ilo kūlaaj ko n̄an katakin im im̧we.
-
Epidodoļok jān kar m̧okta n̄an ron̄jak al ko rekwojarjar lo digital device ko, kōjerbale Sacred Music app eo an Kabun̄ in.
Edikļo̧k Naan in Tōl, Eļapļo̧k Karōk Ko
Jekdoon ak, ewōr jameļeļe ko. Juon Jabōt in Ijtō, juon rūkaki ekar joļo̧k an bōd n̄an kūlaaj in Gospel Doctrine eo an: “Ijeļā bwe jejjab aikuj al ilo Jabōt Jikuuļ, ak ilukkuun kōņaan al ‘Ij Jeļā Bwe Aō Dri Pinmuur Ej Mour’ ippān doon.” Bōlen rūkaki eo ejjab make iaan ilo jameļeļe in.
Ilo m̧ool, al eaorōk wōt ilo iien kweilo̧k ko ad āinwōt an kar baj wōt. Kam̧ool oktak eo ekāāl im epidodo kile ej bojen bōk jikin an ekāāleel im kakkobaba in al ko rekwojarjar im al ko an ajri. Āinwōt m̧ōttan kijejeto eo, membōr ro ilo Kabun̄ in ipeļaakin laļ in rekar jilikinļo̧k 16,000 al in jar ko rekāāl, al ko, im jeje in al ko.
Ak kōn jet wōt iien n̄an al ilo jet kweilo̧k ko ilo Raan in Jabōt, jej aikuj kōļapļo̧k ad ļōmņak im kōņaan ilo kōm̧m̧an karōk im kōjerbal al ko.
Ruo katak ko raorōk n̄an jipan̄ kōj dāpij al ilo ioļapļap in kabun̄jar ko ad:
1. Lukkuun Aorōk ilo Katakin
Jemaron̄ ļōmņak kōn katak ko im kōmeļeļe ko āinwōt juon unleplep eo in kwaļo̧k enaan ko an gospel in ilo m̧weo ak ilo m̧ōn jar eo. Im jemaron̄ joļo̧k eiten aolepān iien eo ad kōn men kein. Bōtaab al ejjab juon kein kainōknōk. Ej pād ilo ioļapļap in katakin kōn kajoor im ippān Jetōb.
Āinwōt an Rijilōk Paul kar rojan̄ Rikwojarjar ro m̧oktata, “Naan in Kraist en pād ilo koṃ im en lōn̄ im ilo mālōtlōt otemjej; koṃwin katakin im kauwe doon kōn sam ko, al ko, im al in jar ko, im kōn jouj ilo būrōmi koṃwin al n̄an Anij. (Kolosse 3:16).
Al emaron̄ m̧ōkaj an bōktok Jetōb n̄an juon katak ak juon kweilo̧k. Ekāāleel juon al n̄an al ilo iien kūlaaj eo an Jabōt Jikuuļ ak juon Itok, Ļoor Eō iien kōmeļeļe aikuj bōk ejjeļo̧k oktak ļōmņak, im jar kake āinwōt eoon ko jej kāleti n̄an riiti ak m̧ōttan katak eo jej kālet n̄an kwaļo̧k. Al ko me rej jar kaki n̄an kāleti remaron̄ un̄ur bōro ko, likūt im̧we ko ilo jetōb me remaron̄ pād n̄an indeeo.
2. “Juon Jar n̄an N̄a”
Ilo jet jekjek ko, jemaron̄ aolep ioon iien ko me ej rūb būruōd, iien ko n̄an iaļ eo im̧aad ejjab alikkar. Jet iien emaron̄ āinwōt bwe jeļo̧k kar baj kad lōn̄ļo̧k ejja menin ekairir eo n̄an lan̄, im jab bōk uwaak ko ak wāween kōkm̧anm̧an e. Ilo jet iien, emaron̄ po ilo mellijon̄ im likūt bwe Anij ejjab kea ak bwe jejjab erreo n̄an An kea. Jet iien jemaron̄ em̧ool en̄jake ad bōjrak jān jar.
N̄an iien ko n̄e jej en̄jake jabwe ilo ekkeijejļo̧k ilo jetōb ippān lan̄, en̄in ej juon m̧ool ekōkkajooror: Al ko rekwojarjar em̧ool remaron̄ erom̧ juon jekjek in jar. Irooj Make ekar kōmeļeļeik menin ke Ekar jitōn̄ Emma n̄an kōm̧m̧ane al eo jinointata: “Bwe Aō ej lan̄lōn̄ ilo al ko an bōro; aaet,” al eo an ro rejim̧we ej juon jar n̄an Eō” (Katak im Bujen Ko 25:12; eoon in eaorōk kar kobaiktok).
N̄e jej leļo̧k ilo ikdeelel al eo in būruōd n̄an E, Irooj ekar kallim̧ur n̄an uwaak aolep iien ippān juon kōjeram̧m̧an: “Enaaj uwaak kōn juon kōjeraam̧m̧an ioon bōraer. Kōn menin, kotak būruōm̧ im m̧ōņōņō” (Katak im Bujen Ko 25:12-13).
Ilo juon iien epen ilo mour e aō, ikar jab maron̄ kile uwaak ko n̄an ikitōltōl in jar ko aō n̄an juon iien aitok kitien. Juon m̧ōtta eo ejitōnboro ippa ekar en̄taan kōn jet idajon̄jon̄ ko an make. Ak ilo am̧ kar kōjan̄ im al al in jar ko im al ko an gospel ippān doon, aolep iien kom̧ro ej en̄jake en̄jake ko rekajoor in kōkajoor im naan in kam̧ool. Ij kile kiiō bwe Irooj ekar kakūrm̧ool kallim̧ūr ko An. E ekar uwaake al ko an buruō, elōn̄ alen. Im men eo ekar lukkuun jipan̄ n̄an kotak buruō im wōnm̧aanļo̧k wōt.
Photograph by Robert Casey
Ilo Jabdewōt Raan in Jabōt
Ilo jabdewōt Raan in Jabōt, jemaron̄ lukkuun jeļā bwe jet ilo iien jar ko ad, jet ilo kūlaaj ko ad, im jet ilo baam̧le ko ad rej pād ilo dān eo em̧wilaļ in idajon̄jon̄ ko aer make. Jet renaaj pād ilo jikin ko reutiej im aenōm̧m̧an ippān kōjeraam̧m̧an ko rej lūtōktļo̧k. Jet renaaj jinoe ekkatak kōn m̧ool ko reddik in gospel eo.
N̄e jej dāpij al ilo ijo jikin ejim̧we ilo ioļapļapin kabun̄jar ko ad, jemaron̄ jipan̄ aolep kappukot iien ko rem̧m̧an n̄an en̄jake Jetōb, n̄an ekkatak m̧ool ko an gospel, im nebar Irooj kōn em̧m̧an eo An. Im jemaron̄ jipan̄ aolep wōr ippāer al ko in bōro ko uwaak ilo wāween ko me Jemed indeeo ej iakwe wōt emaron̄ kōm̧m̧ane.