Digital Wōt: Ainikien Armej ro Rekwojarjar ilo Raan Ko Āliktata
Kar Tōl jān Irooj
Irooj ejeļā kōn kōj im ta eo ejim̧we n̄an kōj kiiō.
Pija jān Cody Bell
Giselle
M̧okta jān am̧ro kar m̧are, André ekar jerbale PhD eo an im kar bōk juon jerbal ilo University of Michigan. Kom̧ro kar m̧are im kar em̧m̧akūtļo̧k n̄an Michigan. Ejjab to, André ekar jino wōr jet jorrāān ko ilo jikin jerbal im ekar kōņaan ukōt jerbal ko an.
Kom̧ro ekar dik, ejkab baj m̧ōj am̧ro m̧are, im kōm̧ kar jab jeļā ta eo kōm̧in kōm̧m̧ane. Kōm kar kālet n̄an jar kake.
André
Juon raan, ikar etal n̄an university eo im lo juon bo̧o̧t ijo ewōr jerbal ko repeļļo̧k rekar kaddepi ilo bo̧o̧t eo. Ikar kanne n̄an jilu kain jerbal ko reoktak jān doon im rekar peļļo̧k. Ilowaan juon wiik, kar kūrļo̧k n̄a n̄an aolepān jerbal ko jilu.
Giselle
Kōm kar ļōmņak kōn ta eo kōmin kōm̧m̧ane. Kōm kar jar juon alen. Juon jerbal ekar pād ilo England, ak kōm kar kōņaan wōt pād ilo United States. Juon ekar pād ilo Texas, im jerbal eo tok juon ekar pād ilo Maryland itūrin Washington, D.C. Jerbal eo ilo Maryland ekar ippān NASA. André ekar juon scientist, kōn menin ekar lo bwe NASA ej juon jikin em̧m̧an n̄an jibadōk ļo̧k.
André
Ilo em̧m̧akūtļo̧k eo amim n̄an Maryland, ikar ettōr ak Giselle ekar kiki. Ekar ilo jibbon̄tata ke ikar loe Washington D.C. Tampeļ.
“Rūj! Rūj! Kwoj ke loe?” Ikar ba n̄an Giselle. “Ej āinwōt juon castle!”
Giselle
Ikar ba n̄an André bwe bōlen jej aikuj etal im loļo̧k juon raan. Kom̧ro kar jaje m̧ōn ta eo. Jejjo raan tokālik in am̧ro tōpartok Maryland, ikar etal n̄an ļaibrāri eo n̄an kōjerbal intōrnōt eo n̄an kanne n̄an jet jerbal im lale email eo aō.
Juon kōrā eo ej jerbal ijo ekar ron̄ ainikien an oktak aō kajin pālle im kar kajjitōk ippa ia eo ikar itok jān e. Ikar ba n̄an e bwe ikar itok jān Brazil im kom̧ro ekar jino am̧ro bwebwenato. Etan in kar Edna. Ikar ba n̄an e bwe kom̧ro ej kab em̧m̧akūttok jān Michigan im kar kwaļo̧k ia eo kom̧ro ej jokwe ie.
“Ij jokwe ilo ejja apartment eo wōt,” Edna ekar ba.
Ke ikar ro̧o̧lļo̧k n̄an ļaibrāre eo raan eo tok juon, Edna ekar ba, “Ilukkuun m̧ōņōņō bwe kobar ro̧o̧ltok. Ikar kōņaan karuwaineneik kwe im likao eo ippam̧ n̄an m̧wem̧ō n̄an kōjota.”
Iaar ļōmņak bwe ekar kāāl im kabwilōn̄lōn̄ jekjek in kōnke ekar jab jeļā kajjieō. Innem ekar ba,“ Ikar jar kōn kwe kōnke ikar en̄jake juon men eļap an aorōk ke ikar ioon kwe inne.”
Kōm ekar etal n̄an m̧wem̧ōn im kar ekkatak bwe likao eo ippān ej kab jakoļo̧k. Ālkin kōjota, ekar kōjan̄, “Lord, I Would Follow Thee” (Hymns, no. 220) ilo piano eo. Ekar ba bwe ekar al in jar eo em̧m̧antata ippān likao eo ippān im kar kōjan̄e ilo iien ilomej eo an. Innem ekar ekōnono n̄an kōm kōn karōk in lo̧mo̧o̧r eo im kar karuwaineneik kom̧ro n̄an etal im jar ippān.
Kōm kar etal im jar, im armej ro rekar ļap aer karuwainene. Kōm kar bar kālet n̄an etal Jabōt eo tok juon. Kōm kar erre n̄an bōk katak ko an mijenede ro. Edna ekar kajjitōk bwe ren kōm̧m̧ani katak ko ilo m̧wem̧ōn. Ilo ļaļem allōn̄ ko kōm ekar etal im jar aolep Jabōt. Būruōm im jetōb ko am rekar bojak n̄an peptaij.
André
Ke kar kōjjeļāik iien peptaij eo amim, aolep rekar ilbōk. “Wow, kom̧wij jab membōr?” rekar ba. “Ak kom̧ij pād ijin aolep wiik!” Peptaij eo amim ekar kanooj aorōk. Eiten aolepān ward eo rekar itok.
Kom̧ro ekar liāp ilo Washington D.C. Tampeļ juon iiō tokāļik. Ke kōm kar etal n̄an tampeļ eo, kōm kar kile bwe kar castle men eo kom̧ro kar loe iiō eo m̧oktaļo̧k.
Giselle
Ālkin am kar liāp ilo tampeļ, elōn̄ men ko rekar waļo̧k rekar jab jejjōt.
Ālkin Jeptōm̧ba 11, 2001, ekar pen n̄an amro̧ bar kōkāāl visa ko am̧ro. Ikar būrom̧ōj kōnke ej kab m̧ōj aō kadiwōjļo̧k jān juon community college im kar kanne n̄an full scholarship ilo University of Maryland. Ikar jab bōk scholarship eo, im lab eo André ekar jerbal ie ekar kilōk.
Kōm ar ļōmņak bwe bōlen iien eo em̧ōj an itok bwe kōmin bar jepļaakļo̧k n̄an Brazil.
André
Bisop eo amim ekar ba n̄an kōm bwe kōm maron̄ jipan̄ elōn̄ membōr ro ilo Brazil im maron̄ eddōkļo̧k ilo elōn̄ jekjek ko jab maron̄ āinwōt ilo Amedka. Ekar kapilōk e kōm n̄an pād epaake wōt Kabun̄ in.
“Etal n̄an Brazil im jerbal n̄an Irooj,” ekar ba.
Ālkin jokwe ilo Brazil ilo ium̧win jidik iien, stake būreejtōn aō amim ekar itok n̄an m̧wem̧ōm im kūr eō bwe in jerbal āinwōt juon bisop. Ikar baj jeļā bwe ren kar kūr eō. Elōn̄ bon̄ ko m̧okta jān kūr eo aō, ikar jaje kiki. Iaar ļōmņak im kar ekkatak.
Giselle
Ikar ļōmņak ta eo ej waļo̧k. Ikar lo an oktak kōn kūr eo an.
André
Ke ikar jinoe kōn kūr eo aō, ward eo am ekar wōr 80 membōr ro rej active. Ke kar karōļo̧k eō jān kūr eo aō, ekar lōn̄ļo̧k rekar pād ilo jar aolep iien, im 12 mijenede ro rekar etal n̄an jikin mijen jān ward eo am. “Ekar ļap an em̧m̧an!
Ilo itūrinļo̧k wōt iien eo kar kōtļo̧k n̄a jān kūr eo aō, Būreejtōn Dieter F. Uchdorf kar kōtļo̧k e jān Būreejtōnji eo Eutiejtata. Ij kemeemej an Būreejtōn Russell M. Nelson ba bwe Būreejtōn Uchtdorf ewōr an eddo ko rekāāl im aorōk ilo Doulul eo an Rijilōk ro Jon̄oulruo.
Jilu allōn̄ tokāļik, kar kūr eō bwe in juon rikakpilōklōk eo m̧oktata ilo mijen būreejtōnji eo. Ikar jab mijen, ak ij iakwe kūr eo aō. Ij iakwe jerbal ippān mijenede ro. Irooj ejeļā kōn n̄a. E ekar jeļā ke ekar menin aikuj bwe ren kōtļo̧k eō jān juon bisop bwe in jerbal ilo iien eo im jikin eo me ejim̧we n̄an eō kiiō.