Lako Mai, Mo Muri Au
Rogoci ni Tolu na iVakatagedegede ni Lagilagi ena iMatai ni Gauna
5–11 ni Julai
Droini mai vei Annie Henrie Nader
Na wase 76 ni Vunau kei na Veiyalayalati e vakamatatataka na ituvaki bibi ni yavu ni veivakabulai ka a yali mai vuravura ena gauna ni Vukitani. Vei ira e vuqa, na vulici ni dina vakalesui mai oqo ena imatai ni gauna e sotavi kina na veika tawaguilecavi rawa. A yaco vakaoqo kivei Connie, e dua na saumaki vou mai Richmond, Virginia, Amerika.
E nanuma lesu o koya: “Au a dau raica tu ga na loloma ni Kalou ena noqu wilika na iVolatabu, ia au a sega ni kunea rawa e dua na lotu e vakavulica na sala me‘u kila vinaka kina. Ena gauna au a vakavulici kina ena ituvatuva ni veivakabulai ni lesoni ni kaulotu, au a vakila ni sa dodonu saraga ka au a kune vakacegu ena kena au sa bera ni sa bau vakila e liu. Au a vakasamataka, ‘O ya na Tamaqu Vakalomalagi au kila.’ Ni‘u vulica na ivakatagedegede ni lagilagi e a dolava vakararaba na noqu vakasama ka‘u sega ni taqeya rawa na noqu marau me‘u vulica vakalevu cake.”
ODelphine, e dua na saumaki vou mai Parisi e Varanise, e dua tiko na nodratou leqa vakavuvale, ka gauna e rau vakavulici koya kina na daukaulotu ni matavuvale ena rawa me ra bula vata ena matanitu vakasilesitieli, a sega ni vakadeitaka ni taleitaka o koya na ka oya. Ni rau tomana tiko na daukaulotu na kena vakavulica vua na tolu na ivakatagedegede ni lagilagi, a kune vakacegu kina o koya. A vulica o koya ni na yaco me na tiko vata kei ira e lomana o koya ka ra digitaka me ra muria na kosipeli. Ni sa qai kilai vakavinaka na ituvatuva ni veivakabulai, a kaya kina, “Au a kunea ni ra sa dodonu, oqori e a veivakadeitaki vei au.”