iVakavuvuli ni Veiqaravi

Veiqaravi vei Ira na Bolei tu na Nodra Bula Vakayago

Sa rawa ni da ligana na iVakabula meda veivakacegui ka veivuke.

iVakatakilakila

man delivering groceries

Na tauvimate, vakacalaka, tuvaki vakaca ni yago, se yabaki sa rawa ni bolea na sasaga ni dua na lewenilotu me sokalou se veiqaravi. Kevaka era sa daukilakila na turaga kei na marama dauveiqaravi ki na veigagadre oqo, sa vuqa sara na sala me ra vukei kina na lewenilotu ka bolei tu vakayago me ra marautaka vakalevu cake na veivakalougatataki ni kosipeli.

Ni oti na kena kunei vua e dua na tina gone na kenisa, a galili sara o koya ka rere vakalevu. Ia ni sa robota yani na nona tabanalevu na itukutuku ni nona tauvimate, a mai vakavolivoliti tu o koya ena nodra loloma kei na kauwai na nona itokani marama. Ni sa tekivu na drakidrakita ni nona qaravi, era a kauti koya na marama ki na nona vanua lokuci ka dabe vata kei koya ena gauna balavu ni chemotherapy. Era a masu vata kei koya, vakayaloqaqataki koya, kauta mai vua e vica na vakalomavinaka e rawa ni kania, ka kau kakana ki na nona matavuvale ena veimacawa. Era a vagalalataki ira na marama tale eso mai na veiogaoga ni bula me ra samaka na nona vale. A kila tu e dua na marama na iwalewale eso me dredre kina na moce, ka mani tuvalaka na veisiko vakabogilevu me sara yaloyalo lasa kina. Mai na veimoiyaki ena idavodavo, sa rawa kivua na tina gone me vakuwai koya vakarauta mai na rere ka vakila na veivakabulai kaukauwa ni veidredrevaki kei na veitokani. Mai na veiqaravi eso oqo, na veivakalougatataki ni matabete, kei na lolo ni tabanalevu, a lako curuma o koya e dua na gauna dredre vakaidina, ka tubu vakalevu na isema kaukauwa ni veilomani vei ira ka a vakaitavi kina.

E sega ni dau ka rawarawa na nodra qaravi na bolei tu vakayago. Ia sa rawa ni da muria na ivakaraitaki ni iVakabula ena noda dolele yani vei ira na tacida kei na ganeda ena loloma ni yaco tu na bolebole vakayago. Sa rawa ni da Ligana me da vakacegui ka vukei ira na wavoliti keda tu, oka kina o ira ka sega ni raici rawa na nodra bolebole ena matada vakayago.

Vakasama eso me Navuci

1. Rokova na nodra ituvaki mareqeti. Era dau lomaleqa eso na tamata ena veituvaki ni bula e sega ni rawa ni vakaogai iko saraga. Dau taroga tikoga ke sa donu mo wasea na kedra ituvaki ki na so tale ni bera ni o vakayacora.

2. Vakayaloqaqataka na veiqaravi tudei vakavuniwai. Levea na vakaturi ni veiyaya ni bula se veiqaravi era tawavakadinati se tiko e taudaku ni veiqaravi tudei vakavuniwai. Wasea na vakasama kei na veika e sotavi eso ni o vakauqeti tu, ia vakayaloqaqataki ira tale eso me ra cakava na nodra dui vakadidike ka veivosaki vata kei ira na kenadau tuberi vakavuniwai.

iVakatakilakila

adult woman helps her mother put on clothing

iYaloyalo mai na Getty Images

3. Qaravi ira ka masulaki ira. Ni ra sotava na tamata na veituvaki ni leqa ni bula lekaleka vagauna se namaki vakataka na vakasucu se veisele, na nomu veiqaravi, kakana, yalovinaka, kei na masumasu sa vakaraitaka na nomu kauwai. Ena dua na leqa tubukoso, sa na rawa ni yaga sara na nomu lomasoli kusarawa ni veivuke.

4. Veivuke e vaqaqacotaki ira. Vakauasivi ni ra sotava na tamata na leqa vakayago bibi se balavu, era sa gadreva e levu cake mai na nomu veivuke se veiqaravi, me vakataka ga na kedra bibi. Era na rairai gadreva talega na veivuke ena vulici ni nodra cakava vakai ira na ka oqo:

Vakatakila na nodra gagadre. Na cava era bau kila tu me baleta na kedra ituvaki? Na cava era sa nanuma kina? Na cava so era lomaleqataka ka gadreva tu oqo kei na veisiga ni mataka? Vakarorogo ena yalololoma ka sega ni vakalelewa mo vukei ira ni sotava vakadodonu na ka dina.
Nanuma na nodra kaukauwa. Taroga na mataqali dredre tale eso era sa sotava kei na ka era sa vulica mai na veika era sotava oya. Dusimaka na ivakarau dodonu, yavunibula, kei na kila o siqema rawa ni tiko vei ira. Taroga na nodra yavunibula cava so e sa bibi duadua vei ira ni bulataka ena ituvaki vou oqo. E rawa vakacava ni ra bulataka na veiyavunibula o ya?
Cakava e dua na ituvatuva. Na vakatulewa cava so sa gadrevi me caka totolo, kei na ikuri ni itukutuku cava era gadreva tu me vakayacori kina na veivakatulewa o ya? Na veivuke kei na vurevure kusarawa cava so era gadreva tu, kei na cava era na gadreva tu vakabalavu? Na digidigi cava era raica tu? Na cava so e vinaka ka ca ni kena vakayadua?
Tauyavutaka na nodra timi. O cei e rawa ni veivuke? Sa nodra itavi taumada na matavuvale me ra veivuke, ia sa rawa ni tiki taucoko ni nodra timi na ikuri ni matavuvale, veitokani, lewe ni tabanalevu tale eso, kenadau ni bula, veiqaravi raraba e rawa, iko kei na nomu itokani, kei na Yalo Tabu. Ke sa veiganiti vata kei na nodra veivakadonui, okata na peresitedi ni iSoqosoqo ni Veivukei kei na peresitedi ni kuoramu ni italatala qase ena nodra vukei ni dikeva tu na sala e rawa ni veivuke vakaidina kina o iko, na lewenilotu tale eso, kei na veivurevure ni Lotu.
Sureta na Yalotabu. Masu vata ka me baleti ira, ena sureti ni Turaga me vakadeitaka ka tubera na nodra vakatulewa ka vukei ira ni vakila na Nona loloma.