“Inaaj Tōlļo̧k Kom̧”

Ij keememej juon iien ke Irooj ekar tōl jet armej. Ikar jerbal āinwōt juon mijen būreejtōn ilo Brazil Porto Alegre South Mission. Juon iaan mijinede ro ammim ekar wōr juon an nan̄inmej ņaetan cleft palate (taim̧ōņ lon̄i), me rekar jab lolorjake. N̄e ej kennaan, kōto ej diwōj jen lōn̄in lon̄iin im jen potin. Ekar pen n̄an ro jet n̄an meļeļe e.

Elder in em̧m̧an ded ekar jiron̄ eō ke ekar jar kōn būrabōļōm̧ in an. Eaar ba bwe Jetōb eaar unoojdikdik ke enaaj jipan̄ e lo juon uwaak. Ļam waan eo an, tōmak ekar im̧we eō. Iaar oktakļo̧k n̄an Anij kōn jipan̄ n̄an pukot mejļan.

Jidik m̧wijm̧wij eo eļam waan enaaj kajim̧we būrabōļōm̧ eo, ak m̧wijm̧wij ejjab juon jerbal epidodo. N̄e kōm make en kar kōm̧m̧ane, en kar lukkuun ļap wōnāān n̄an baam̧le eo an mijinede in. Ilo bar jet wāween, kōjerball jikin taktō enaaj bōk elōn̄ aboinmen ko im emaron kar kōm̧m̧ane ilo allōn̄ jejjo̧ ko ilo mijen eo an.

Aolep iien ewōr juon aō jerbal epen n̄an kōm̧m̧ane, ij pedped ioon tōmak im jipan̄ eo an kōrā eo ippa. Iaar ba kōn nan̄inmej in an mijinede in n̄an e im kar kajjitōk ippān bwe en kōnono ippān ro ilo aujpitōl eo. Ewōr ke wāween ko m̧wijm̧wij eo emaron̄ in kōm̧m̧an ilo ejjeļo̧k wōnāān ilo tōre in em̧m̧an?

Ālkin jar n̄an jipan̄, kōrā eo pāleeō eaar jibadōkļo̧k aujpitōl eo. Liin ekar pād ilo juon ļain aetoktok in armej rej kōttar n̄an ippān rijerbal eo. Ilo an ļain eo etal wōt, kōrā eo ippa ekar maron̄ in ron̄ elmen an jekjek ko tum̧anin maron̄ in kōm̧m̧an. Ilo m̧ool, kar jiron̄ armej ro bwe ren bar ro̧o̧ltok kōn juon aboinmen ilowaan jiljino allōn̄ ko, emaron̄ ļapļo̧k.

Kōrā eo pāleeō ekar jeļā bwe enaaj to kitien n̄an mijinede in nejimmim. Liin ekar en̄jake im̧we n̄an etal jen ļain eo im jibadōkļo̧k bar juon kōjem. Ijo eaar lo bar juon rijerbal in aujpitōl. Kōrā eo ippa eaar kwaļo̧k kadkadin im kar kōmeļeļeiki aikuj eo n̄an mijinede eo nejimmim.

Pija

a woman talking to a surgeon

Rijerbal in eaar ba bwe en kajju kōnono ippān rim̧wijm̧wij eo, eo im ekar pād ilo aujpitōl raan eo n̄an kōm̧m̧an m̧wijm̧wij ilo būļoor eo juon. Liin ekar kōmeļeļeik rim̧wijm̧wij eo ta eo mijinede ro rej kōm̧m̧ane im ewi jon̄an an naaj mijinede in jeraam̧m̧an n̄e emaron̄ kōm̧m̧ane m̧wijm̧wij eo n̄an kōm̧anm̧an taim̧ōn eo ilo lon̄iin.

Rim̧wijm̧wij eo ekar kajjitōk jet kajjitōk ko. Innām ekar ba, “Jemaron̄ ke jikejuuļi m̧wijm̧wij in ilowaan ruo wiik?” Eaar kanne aujpitōl boom̧ eo me ekar kōmeļeļeik m̧wijm̧wij eo me ekar kajjitōk jen jukjukinpād eo im bwe e make eaar bar itok-limoin. Eaar leļo̧k boom̧ in n̄an rijipan̄ eo an im kar kajjitōk n̄an karōk raan im allōn̄ eo.

Jon̄oul raan tokālik, rim̧wijm̧wij in ekar jerbal ippān mijinede in nejimmim. Ejjab to elder in eaar jepļaakļo̧k n̄an mijen eo an, lukkuun m̧ōņōņō im kōnono ilo juon ainikin eo ealikkar. Kōn oktak in ekāāl, eaar kile bwe Irooj ekar tōlļo̧k e.

En̄jake eo an mijinede in ej juon naan in kam̧ool bwe Jemedwōj Ilan̄ ej ron̄jake jar ko ad im tōl kōj ilo pein.

Kōnono ilo jetōb, jej āinwōt ajri ro reddik. Jejjab meļeļe kōjeraam̧m̧an ko reļļap Jemedwōj Ilan̄ eaar kepooje n̄an kōj. Ilo ad rūttoļo̧k ilo kanniōk, jej jino meļeļe elōn̄lo̧k kōn kien laļ me ej kakien mour ko ad. Ak jej aikuj jab kōtļo̧k bwe jeļāļo̧kjeņ eo an laļin en men ko raorōkļo̧k jen meļeļe eo kōn kōjeraam̧m̧an ko reļļap Jemedwōj Ilan̄ ekar kepooji n̄an kōj.

Moses, juon rikanaan em̧m̧an ilo Kallim̧ur Mokta, ekar wōr juon an en̄jake me ekar waļo̧k n̄an e ewi jon̄an an lukkuun kar jeļā. Ālkin Moses, “eaar lo laļ im jem̧ļo̧k ko ie, im aolep ro nejin armej raņ ro remour, im ro me kar kōm̧anm̧an er; ejja men in wōt eaar kanooj bwilōn̄.” Innām Anij ekar jakoļo̧k. Im ke eaar makeļo̧k ian, eaar bun̄ļo̧k ņa ioon laļ.

“Im ālikin men kein ekar ium̧win tōrean elōn̄ awa ko m̧okta jān an Moses kar bar bōk lukkuun kajoor eo an āinwōt n̄an armej; im eaar ba n̄an e make: Kiiō, kōn un in ijeļā bwe armej ejej tokjān, men eo me ijjamin kar kōtmāne” (Moses 1:8–10).

N̄e Irooj ekar kwaļo̧k n̄an kōj aolep men ko jej aikuj kōm̧m̧an kōn kajoor eo An, jemaron̄ kar en̄jake m̧ōk. Āinwōt Moses, jej lo bwe n̄e ejako Anij, kōj jekdoon.

Ak ijeļo̧kin ad m̧ōk, Irooj ej tōlļo̧k kōj jidik kōn Jidik. Menin ekōm̧m̧an bwe jen kadedeļo̧k elōn̄ļo̧k men jen maron̄ eo ad make.

“Bwe lōmņak ko Aō re jab ļōmņak ko ami, im iaļ ko ami re jab iaļ ko Aō, Irooj ej ba.

“Bwe āinwōt lan̄ ko re utiej jān laļ, āindein iaļ ko Aō re utiej jān iaļ ko ami, im ļōmņak ko Aō jān ļōmņak ko ami” (Aiseia 55:8–9).

Āinwōt an Irooj ba ilo Katak im Bujen Ko 78:18, jej “jab maron̄ ineek aolep men.” Jeban meļeļe aolep men otemjeļo̧k me E emeļeļe. Innām, ta, jej aikuj kōm̧m̧ane? Irooj eaar uwaak: “Kom̧win Mōņōņō!”

Etetal ilo iaļen bujen in kōn m̧ōņōņō ekoba ettā, āinwōt juon ajri edik. Jej aikuj m̧ōņōņō in ekkatak im tōl jen Jemed (lale Katak im Bujen Ko 112:10.)). Mour in epen me jeban peek aolep kōm̧m̧an ko ilo iaļ in ad. Im jeban meļeļe aolep men kōj, ak ro rejitenbōro ippād, raar diplo̧ki ioon laļin.

Ak ilo ad lōke Irooj im kōtļo̧k bwe E en tōl kōj kōn pein, jemaron̄ kōm̧m̧an elōn̄ļo̧k ilo aelōn̄ in kiin̄ eo An me jemaron̄ in antooneļo̧k. Jenaaj maron̄ in kōjeraam̧m̧an mour ko an ro nejin Jemedwōj Ilan̄. Jenaaj maron̄ in kile pein Rilo̧mo̧o̧r ilo mour ko ad. Jenaaj maron̄ in en̄jake kam̧m̧oolol kōn tiriam̧o im iakwe eo An ejjeļo̧k jem̧ļo̧kin.

Āliktata, Irooj ej tōlļo̧k kōj n̄an kakeememej kōj bwe “aelōn̄ in kiin̄ eo ej ami im kōjeraam̧m̧an ko ie rej ami, im m̧weiie ko an indeeo rej ami” (Katak im Bujen Ko 78:18).

Ij ro̧o̧l likļo̧k n̄an waanjon̄ak eo an mijinede eo nejimmim. Ekar tōl n̄an kajjitōk jipan̄ im kar jeraam̧m̧an kōn juon rim̧wijm̧wij eo me kiiō ekōm̧m̧an bwe en alikkar an kōnono. Ekar tōl n̄an ro rekar pojak n̄an bōk gospel eo im kōjeraam̧m̧an ko ie, ekoba peptaij. Ij bar kalimjōk waanjon̄ak in tōmak eo an kōrā eo ippa. Naan in kam̧ool eo an eaar kajoorļo̧k ilo an Irooj tōl e. Innām wintō ko an lan̄ raar peļļo̧k im kar lutōkleplep kōjeraam̧m̧an.

Ij m̧ōņōņō bwe ikar maron̄ in jerbal ippān mijinede in em̧m̧an ded, eo eaar obrak kōn ļam waan, tōmak ekajoor. Im ij m̧ōņōņō bwe imaron̄ in mour indeeo ippān kōrā eo pāleeō, eo eaar kwaļo̧k juon waanjon̄ak bwe Irooj en tōlļo̧k e.

Em̧ool aelōn̄ in kiin̄ im kōjeraam̧m̧an ko rej ad.