N̄an Jinen im Jemān Ajri ro
Etan Kabun̄ in im Kalōk Zaion
Iakwe ro jinen im jemān,
Kwomaron̄ kōjerbal ennaan kein ilal im pija ko n̄an jino ekkōnono ko ilo baam̧le eo am̧ im jipan̄ er meļeļe aorōk in unin kōnono ko āinwōt kōjerbal jim̧we in etan Kabun̄ in im kalōk Zaion.
Jim̧we in Etan Kabun̄ in
Riit āinwōt juon baam̧le jet iaan bwebwenato ko jān ennaan eo an Būreejtōn Eyring “Aaet Naaj Kūr Etan Kabun̄ eo Aō,” jino ilo peij 8. Etale kōnono eo an Būreejtōn Nelson ilo unin ekōnono eo ilo Oktoba 2018 kweilo̧k eo eļap. Ilo wāween rōt ko kwe ak baam̧le eo am̧ kar jeraam̧m̧an ilo ami kōm̧m̧ani kijejeto ko n̄an kōjerbal jim̧we in etan Kabun̄ in—Kabun̄ eoan Jisōs Kraist im Armej Ro Rekwojarjar Ilo Raan Ko Āliktata?
Kalōk Zaion
Kajjitōk ippān ajri ro nejum̧ ta eo rej ļōmņake ta meļeļein Zaion. Innām kōjerbal ennaan eo an Elder Gerrit W. Gong “Itok eo an Zaion” ilo peij 12 n̄an jipan̄ er jeļā eļapļo̧k kōn ta meļeļein Zaion jim̧or ilo jem̧aan im rainin. Ļōmņaki wāween ekōnono ko ilo baam̧le eo am̧ me emaron̄ jipan̄ kalōk Zaion ilo m̧weeo im̧ōm̧ im ilo jukjukin pād eo.
Itok, Ļoor EŌ EJ Jipan̄ Ekkatak
Lale peij 26 in ennaan in ilo unin katak ko roktak ilo Itok, Ļoor Eō n̄an jipan̄ eok ekkatak kōn Katak im Bujen Ko ilo allōn̄ in.