Ekōjkan Aō Maron̄ Jipan̄ Anjo̧ Ioon Kalijōkļo̧k?

1. Lale itulowa m̧oktata. Jemaron̄ kallim̧ur n̄an kile ilo kōj make im kowaan jabdewōt “m̧wil ko im m̧akūtkūt ko an kalijōkļo̧k.”¹

Būreejtōn Russell M. Nelson ekar ba, “Jabdewōt iaad eo ekar kalijōkļo̧k n̄an bar juon kumi in armej ej aikuj in ukweļo̧k!”²

2. Pukōt n̄an meļeļe. Bōk iien eo n̄an ron̄jake ro me rekar ioon kalijōkļo̧k. Menin emaron̄ koba bok ko rem̧m̧an, pija in alooj ko, im riboot ko ilo jikin kōm̧m̧an nuuj kōn unin kōnono eo.³

Darius Gray, juon Riafrica Riamedka eo ebun̄bun̄ membōr im ritōl an Kabun̄ in, ekar lale, “Eļan̄n̄e jej lukkuun kakkōt n̄an ilo m̧ool ron̄jake ro me jej watōk er āinwōt ‘eo juon eoktak jān kōj,’ im eļan̄n̄e jibadbad eo ad em̧ool ekar n̄an kōtļo̧k bwe ren kwaļo̧k mour ko aer, bwebwenato ko aer, baam̧le ko aer, kōjatdikdik ko aer, im metak ko aer, jeban kar wōt bōk juon meļeļe eļapļo̧k, ak iminene in enaaj kar kajoor an jipan̄ kōn men kein n̄an kōmour kinej ko an kalijōkļo̧k an kumi in armej ro.”⁴

3. Kōnono kake. Eļan̄n̄e kwoj ron̄ an juon kwaļo̧k juon ļōmņak bōd ak nana kōn kumi in armej, kōnono kake ilo juon wāween ejouj ak ealikkar.

Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon ekar ba, “Āinwōt membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata, jej aikuj kōm̧m̧an em̧m̧anļo̧k n̄an jipan̄ joļo̧k ekajet kōn oktak in kōļar in kūl.”⁵

Elder Gerrit W. Gong jān Doulul eo an Jon̄oulruo Rijilōk ro ekar katakin, “kar kūr kōj n̄an kōm̧m̧an oktak ilo laļ in n̄an em̧m̧anļo̧k eo, jān men ko reddik, juon armej, juon baam̧le, juon rūtūrūm̧ ilo juon iien.”⁶

Pija

man in wheelchair communicates cheerfully with employees at the office

1. Meļo̧kļo̧k, im bōk juon m̧ōttā. N̄e jej metak jān jerbal ko an ro jet, jemaron̄ katakin im meļo̧kļo̧k im pukōt n̄an kalōk juon jemjerā.

Ke ekar jerbal āinwōt juon Eria Jiljilimjuonn̄oul, Elder Fred A. ‘Tony” Parker ekar ba: Ke ikar juon eo ekar rijorrāān jān kōļar in kūl, ikar lo wejepedik ilo kajju kōnono kake, jeorļo̧k an eo juon bōd im ekōnono kōn unin kōnono eo. Eļan̄n̄e juon ej ba juonmen n̄an kōmetak en̄jake ko aō, ij aikuj in pukōt juon wāween n̄an jipan̄ e meļeļe etke ekōmmetak. Ej juon iien em̧m̧an ejjab wōt n̄an jeorļo̧k bōd ak n̄an kalōk juon jemjerā bwe armej eo en jab baj kalimjōk wōt Tony Parker āinwōt juon Riafrica Riamedka ak āinwōt juon nejin Anij. Jisōs ekar katakin kōn jeorļo̧k bōd (lale Matu 18:21–35), im E ekar katakin kōj bwe n̄e kar kōmmatōre kōj bōkļo̧k n̄an armej eo im pukōt mejļan (lale Matu 18:15).”⁷

2. Ekkatak katak ko rejipan̄ jān en̄jake ko rekōm̧m̧etak (lale Katak im Bujen Ko 122:7).

Replen Amos C. Brown ej kwaļo̧k juon bwebwenato kōn Howard Washington Thruman. Howard ekar jokwe turin juon kōrā eo me kar jerbal nana n̄an baam̧le eo an kōnke raar Rikilmej—em̧ool kadkad kōn kibwen bao jān oror in bao eo an n̄an meļaaj eo an Thurman.

Ke kōrā eo ekar jino nan̄inmej, jinen Howard ekar bōkļo̧k n̄an e jet juub im wut ko. Kōn kam̧m̧oolol, kōrā eo ekar kajjitōk ia eo wut ko raar itok jān e. Mrs. Thurman ekar kōmeļeļeik, “Ilo am̧ kar kadkadtok n̄an kibwen bao ko, Anij ekar kōpooj bwidej eo.”

“Ej ta eo jej aikuj kar kōm̧m̧ane ilo ioļap in nana eo,” Replen Brown ekar ba. “Bōk kibwen bao in bōtaab wōr tōmak ilo Anij n̄an kōjerbale n̄an katōk juon jikin kallib in wut ko.”⁸

3. Oktakļo̧k n̄an Kraist kōn kōmour im tōl. Lōke Rilo̧mo̧o̧r eo kōn metak eo am im ļoor E emaron̄ bōktōk aenōm̧m̧an.

Elder D. Todd Christofferson jān Doulul eo an Jon̄oulruo Rijilōk ro ekar katakin bwe ilo kakobabaļo̧k n̄an pinmuur kōn kōj jān jerawiwi kōn kapolel kajjitōk ko an jim̧we eo ekar pād iood, Jisōs Kraist, “barāinwōt kabun̄-buruōn m̧uri eo jim̧we elikjab n̄an kōj kōn kemour im ņa wōņāād kōn jabdewōt en̄taan jej niknik ilo ejjeļo̧k bōd.”⁹

Rilo̧mo̧o̧r eo ekj letok juon waanjon̄ak eweppān n̄an kōj n̄an ļoore. E ekar katakin kōj ta eo n̄an kōm̧m̧ane n̄e kōmmatōre kōj (lale Matu 18:15), matōrtōr (lale Matu 5:38–48), im jekdoon liakeļo̧k eo ejjab jim̧we n̄an mej (lale Luk 23:34).