Unimwaane Nattress e taetae nakoia irangaa roronrikirake iaon American Samoa

E raka iaon teuana tengaa aomata ake a roko n te tabo n taromuari n te Pago Pago Titeiki ni botaki n tairikin te Tabati, 7 iai n Nobembwa, n ongora nakon te tia kairiri n te Ekaretia, Unimwaane K. Brett Nattress.

Unimwaane Nattress boni ngaia te Moan Kauntira n te Beretitentii n Aono n te Betebeke n Ana Ekaretia Iesu Kristo ibukiia Aika Itiaki ni boong aika Kaitira.

Unimwaane Faapito Auapa, te Itingaun n Aono, e anga naba ana marooro nakoia kairake n tain aia babaro.

Kairake a roko man aonon nako te aba aei n taian titeiki aika nimaua iaon American Samoa.

E taekinna Unimwaane Nattress, “Beretitenti Nelson e anga te kaetieti ni burabeti nakon te aonaaba n te marebu n tai. Ti na onimakina Iesu Kristo. Ao, Ti riai n uringa rikira bwa naati mwaane ao aine mairoun te Atua, ao arora aika a raraoi aika ti kantaningaaki nako iai.”

E reitia n taku: “Kairake aikai a tabeki nonoori aika tamaroa. Ngaia bon kabwaian te Ekaretia. Bon te tibwanga ae onoti te marooro ma ataei aikai ao karekean te reirei mairouia. Aia onimaki iroun Iesu Kristo e korakora ao man otara kawaia.”

E taekinna temanna te tia kairiri are e roko n te tai anne, “E bon rang anaaki nanoia kairake aikai I nanon teuana te aoa ma teiterana, a reireinaki reirei man te euangkerio man aia reirei Beretitenti n te Ekaretia ae Russell M. Nelson ao kaain te Kooram n Abotoro n te Tengaun ma Uoman.”

Temanna te ataeinimwaane man te Malaeimi Uoote, e taekinna bwa e reke reireiana, “bwa te kawai nakon abanuean te Atua bon man te Tembora ae Tabu.”

Temanna te ataeinaine mai Pago Pago Mainiku Titeiki e taku, “Bwa man te tataromwaaka ao namakinan tamnein te Atua, I kona n namakinna ao n ataia bwa Iesu e tauraoi ibukiu.”

Bon te burokuraem ae bati iai te reitaki, ngke Unimwane Nattress e mwamwananga nako iteran te oo ni butimwaei kakaeka mairouia kairake ngke e titirakinia aroia ni kaoa te Tia Kamaiu inanon maiuia.