Noda Tabana
Na Sala a Vukei Au kina na Semineri Meu Rawata na Noqu Vuli
Me vaka ga niu itabagone dau rokovi au ena Lotu i Jisu Karisito ni Yalododonu Edaidai, au a lewena na semineri me va na yabaki veitaravi. E kena ibalebale o ya ni a balavu sara na auwa ni vulici ni kosipeli ka ikuri ni auwa ni vuli ena Lotu kei na matavuvale. Ena so na gauna au a sotava kina na dredre kei na vakatovolei.
Au a tekivu ena semineri ena 2017 ena neimami Tabanalevu o Pare ena iTeki o Arue Tahiti. Au a se kalasi 9 tiko e koronivuli ena gauna o ya, kau sa guta meu tiki ni ilawalawa oqo ni itabagone.
Ena imatai ni noqu yabaki, au dau yadra ni bera na 5:00 ena mataka lailai ena veisiga ni macawa meu tiko rawa ena semineri ena kena gauna. Au cakava noqu wiliwili, kau tiko vakarorogo ena gauna ni kalasi. Au sa kila kina ni a yaga na semineri me vakatitobutaka noqu veimaliwai kei na Kalou. Ke a sega o Koya, keu a sega beka ni pasitaka vakavinaka sara na noqu Veitarogi ni Sitivikiti ni Matanitu ena icavacava ni Yabaki 9.
Ena rua na yabaki e tarava, sa vaka me malumalumu mai na noqu itavi, au sa calata na semineri se sa vakalevu na noqu bera. Sa oti na noqu gadreva meu tiko ena semineri, ka yaco meu sa guce ena noqu sasaga.
Sa yaco sara, me sa dredre na noqui ka 10 ni yabaki, ia au a sega tiko ni kila na gauna a mai yaco tiko kina oqo ena kena sema tiko ki na noqu ivakarau ni itavi ena semineri.
Ena Yabaki 11, au sa tekivu lako vata kei ira na lewe ni kalasi era dau cakava na veika e sega ni tokona na Lotu, me vaka na gunu kei na vakatavako, kau sa vaka meu madua vakalailai niu sa sega ni vakataki ira na itokani oqo ka sega ni wavoki vata tu kei ira vakalevu.
Sa yaco sara, me sa torosobu na noqu macala ni veitarogi vakayabaki ni kevaka meu a cakava na noqu veitarogi ni Bachelor ena yabaki o ya, au a sega ni vakabauta meu na pasi.
Oti o ya, na matelevu na Covid a qai veisautaka na neitou bula ena veisiga, kau sa vakavinavinakataka kina na Kalou. Ni sa tekivu na kalasi ni semineri ena neimami talevoni vuku, sa vaka me sa saqata yani na veika butubuto sa dau veirawai tale tikoga e kea.
E dina ga niu dau malumalumu ena so na gauna, au sa lewa ga meu sa tiko ga kina ka saga ena yalodina meu muria na lesoni ni semineri, meu rawata ga na veivuke ni Kalou ena noqu vuli.
Na noqu yaqa ka a vakabulai au
Au sa vakavinavinaka vei rau na noqu itubutubu. Ke sega oi rau au a rairai lutu mai na semineri ka muria talega na nodra sala na noqu itokani sega ni lewenilotu. O ira na noqu qasenivuli ni semineri era a raica vakavinaka meu sema tikoga vua na Kalou.
Ni oti o ya, sa laki yaco na veimaliwai bulabula raraba vata kei ira na itabagone ni tabanalevu me sa yavunibula. A vakavoutaki au na neimami itaviqaravi vata ena veigauna yadua e sega tu kina ni lomaqu. Dua vei ira na itokani oqo o Corail Sommers, a sega ni dauvakalelewa ia e dau vakarorogo ka vakayaloqaqataki au ka tuberi au cake ena nona ivakaraitaki.
Ena nodra dui salatu, era a dui cau mai meu tu kina vakataki au.
Na sasaga e dau solia na isolisoli Vinaka
Na bula vakaivakarau ni tabadromuci ena ivolanikalou a vakavure mana vei au ena iotioti ni noqu yabaki ni semineri, kai ka 12 ka iotioti talega ni yabaki ni noqu vuli.
Na ivakarau tudei ni noqu vuli semineri a vukea meu vakacokotaki au kina vakavinaka cake. Dina ga niu dau sega ni taleitaka na wilivola, au a saga ga meu wilivola e veisiga. A yaco kina meu dei tikoga ena noqu veimaliwai—kevaka mada ga ni malumalumu—kei Tamada Vakalomalagi.
Ena yabaki o ya, au a rawata kina na noqu koroi cecere ni bachelor diploma. Au a rawata na noqu laiseni ni draiva ena imatai ga ni gauna. Au a ciqoma na noqu kaci ni kaulotu meu laki veiqaravi i Parisi. Ena veika kece oqo, na liga ni Kalou a tiko ena noqu bula ena gauna taucoko o ya niu a tiko ena semineri vakakina e koronivuli.
Niu railesu, au vakadinadinataka ni Kalou ena dau veivuke mai baleta ni lomani keda o Koya.
Na semineri sai koya sara ga na ka eda na gadreva oi keda na itabagone me vukei keda meda nuitaka ga na Kalou ka me yaco ga na lomana ena noda bula. Sa dau nuitaki au tikoga o Koya.