Sisen 4 blong Ol Vidio blong Buk blong Momon I Stap Kam long Yia Ia

Ol Vidio blong Buk blong Momon sisen 4 i stap soem impoten taem ia insaed long Buk blong Momon:Ministri blong Jisas Kraes long graon blong Amerika.

“Mi ting se bae ol pipol we oli lavem Niu Testeman bae oli save gud [sisen 4],” Sista Michelle D. Craig, Fas Kaonsela long Ol Yang Woman Presidensi i talem, mo i tekem not long Lod we i toktok long ol profet long Olfala mo Niufala Wol.

Moa long 1,000 akta, wokman, mo memba blong kru i wok blong mekem ol profesi mo testemoni i kam laef, abaot Pikinini blong God we i girap long ded, i kam daon long heven mo mitim mo givim seves long ol pipol blong Niufala Wol.

Ol Vidio blong Buk blong Momon seris i stap long Buk blong Momon ap blong Jos. Oli bin transletem long 15 lanwis: Kantonis, Sebuano, Inglis, Franis, Jeman, Hiligenon, Itali, Japanis, Koria, Mandarin, Potugal, Rasia, Samoa, Spanis, Tagalog mo Tonga. Ol nara ples blong waj long hem hem i websaet blong Jos, Gospel Laebri, mo janel blong Ol Vidio blong Buk blong Momon long YouTube (yu save sabskraeb long ples ia blong kasem notifikesen taem oli pablisim ol niu vidio).

Afta we bae oli finisim sisen 5, bae koleksen i gat 45 vidio evriwan.